Housing Acceleration Fund

I te Māehe i te tau 2021 nā te Kāwanatanga i whakapuaki te Housing Acceleration Fund (HAF) e $3.8 piriona, arā tētahi raupapa kaupapa e whai ana kia whakapiki i te ratonga whare noho me te whakapai ake i te tareka ā-utu mō ngā kaihoko whare tuatahi me ngā kairēti mā:

• te wetemaukati i te whenua atu anō mō te whanaketanga whare, inarā i ngā wāhi e tata ana ki ngā mahi, ki te ikiiki tūmatanui, ki ngā tūāhanga hoki;
• te tautoko i te whakaratonga o ngā tūāhanga waiwai e hiahiatia ana mō taua whanaketanga; ā,
• te tautoko i te tukunga o te hanumi whānui ake o te whare noho (hei hokotanga, hei rēti anō hoki) he mea tareka ā-utu mō ngā kāinga tūtahi he iti ki te waenga te moni whiwhi.

Kāore te HAF i te hāngai ki tā te kāwanatanga mahi i ngā mea katoa i tōna kotahi. E ū ana ki te whakapakari i ngā hononga o nāianei ki ō tātou wāhi ā-tāone, ā-rohe hoki, me te mahi ki te taha o te kaunihera, o te rāngai tūmataiti, o ngā iwi, o ngāi Māori, o te rāngai monihua-kore hoki hei whakatutuki i ngā matea whare noho o Aotearoa.

Ngā waehanga o te HAF nō Kāinga Ora

He tūranga matua tō Kāinga Ora hei whakatutuki i ngā waehanga hira o te HAF. Ko ēnei ko:

Ngā Kaupapa Nunui (LSP)
E whakarato ana mātou i ngā kaupapa nunui e rima (LSP) puta noa i Tāmaki Makaurau i Mt Roskill, i Māngere, i Tāmaki, i Northcote, i Oranga, me tētahi i te Rāwhiti o Porirua. He kaupapa whakarauora ā-tāone nui ēnei ka whakapai ake i ngā hua ki ngā takiwā noho, ā, ka whakarato i ngā ara mō te whakakiato i ngā wāhi rautaki.

Ko te haumitanga nui ake ki ngā LSP mā te HAF ka whakatere ake i te tere, i te nui hoki o te whakaratonga whare noho i ēnei whanaketanga, ā, ka whakatuwheratia ngā ara whare noho atu anō ki te whenua pātata.

Tahua Whakaterenga Hanganga (IAF)
Ko te IAF ko tētahi tahua whakataetae mō te haumitanga ki te tūāhanga whakaahei hei tautoko i ngā ratonga whare noho puta noa i Aotearoa.  E whai ana te IAF ki te whakapiki i te tere, i te nui hoki o te whakaratonga whare noho mā te āwhina ki te utu i te tūāhanga waiwai e hiahiatia ana mō ngā whanaketanga.  He hātepe whakataetae te IAF kua hoahoatia hei tautohu, hei tīpako hoki i ngā kaupapa mō te pūtea tūāhanga.  Hei whakamau i te pānga tino nui mai i te IAF, ka whakamātāmuahia ngā wāhi whai herenga tūāhanga, ā, e aro ana ki te whakaratonga whare noho tino nui, me ngā raru mō te tareka ā-utu, i te wā tonu e whakaritea ana ka taea e ngā kaupapa kounga nō ngā tōpito katoa o Aotearoa te whiwhi pūtea.

Pānuitia atu anō mō te IAF, tae atu ki ngā paearu arotakenga mō te tahua whakataetae me te hātepe mō te tuku i ngā Whakapuaki i te Whai Aronga,

Ngā hōtaka mahi e haere ana ki te taha

E rua anō ngā kaupapa i te taha o te HAF i whakapuakina i te Māehe

Te Kaupapa Whenua a Kāinga Ora
E haere ana ki te taha o te HAF Te Kaupapa Whenua a Kāinga Ora, mā konei e wātea te $2 piriona tāpiri o te pūtea mino ki a Kāinga Ora hei whiwhi rautaki me te whakawhanake i te whenua hei whakapiki i te whakaratonga whare noho me te whakapai ake i te tareka o te utu.

Affordable Housing Fund
Te Residential Development Response Fund e $350 miriona te rahi, i whakatūria tuatahitia hei tautoko i te ahumahi hangatanga mā roto i te Kowheori-19, ā, kua whakahoungia ināianei hei tautoko i te whakaratonga o ngā kōwhiringa whare noho he tareka ake ā-utu hei rēti, hei hokotanga hoki.

Ka arotahi te Affordable Housing Fund ki te whakapiki i te whakaratonga o ngā whare noho he tareka ā-utu (hei rēti, hei hokotanga hoki) i te whenua nō ngā iwi, nō ngā rōpū Māori, nō ngā kaunihera, nō ngā rōpū hapori, nō ngā kaiwhakawhanake tūmataiti hoki, mā te kawe a te Karauna i tētahi wāhanga o te utu, o te tūraru anō hoki.