Tā Mātou Kaupapa Whenua

Ka āwhina tēnei utauta hira i a Kāinga Ora kia taea ai ngā whare noho i te wāhi kāore e taea e te mākete, me te āwhina i a mātou ki te whakarato i ngā kaupapa matua a te kāwanatanga mō te whanaketanga ā-tāone.

Hei whakatutuki i tēnei ka mahi ngātahi mātou me ngā kaunihera, ngā iwi me ētahi atu hoa tūāhanga, hei āwhina i te mākete ki te whakarato i te rahinga me ngā momo whare e hiahiatia ana kia ngāwari ake ai te utu o ngā whare.

He pēhea te mahi?

Mā te kaupapa ka taea e Kāinga Ora te mino atu ki te $2 piriona mō te hoko whenua me ngā utu whanaketanga hei takawaenga i te whakaratonga o ngā whare utu ngāwari me te tauhokohoko.

Ko te koronga o te kaupapa ko te whakahaere kaupapa puta noa i te motu i ngā āhuatanga ā-tāone rerekē, mai i ngā wāhi Papa Kākāriki kei waho o ngā rohenga tāone onāianei tae noa ki ngā kaupapa Whenua Kua Whakamahia Kētia.

Kei roto i te tauira whakarato arowhānui mō te Kaupapa ko te āta whiwhi whenua ki tōna āhua ake kātahi ka whakarite kia reri ki te hanga - te mahi i ngā mahi kari whenua, ngā mahi whenua me te wehewehe rānei i te whenua ki ngā rahinga iti noa hei hoko, 'ngā rahinga nui rānei'. Ina hokona, ka mahi ngātahi a Kāinga Ora me ngā kaiwhakawhanake tūmataiti mō te whakarato whare noho me ngā rawa tukuora.

He pēhea tā mātou kōwhiri whenua hei hoko?

E kōkiritia ana te Kaupapa Whenua a Kāinga Ora e ngā mātāpono me ngā kaupapa matua i whakaae tahitia, ā, ko te aronga kei runga i te wāhi, ko te whāinga he kawe i te whakautu tika ki te wāhi tika.

He hātepe pakari, pūrangiaho tā mātou mō ngā whakatau mō te hoko i ngā whenua nunui. Ka whiriwhiria e mātou ngā āhuatanga me ngā hiahia ahurei o ngā rohe rerekē me ngā takiwā (ka mutu mēnā kāore i te whakatutukihia e te mākete tūmataiti), tae atu ki te hiranga ahurea o te whenua ki te Māori, ā, mēnā he hoa whakarato i roto i te rohe e taea e Kāinga Ora te mahi tahi hei whakarato i ngā whare noho.

He rōpū pūkenga me te matatau tō mātou e rapu ana i ngā papanoho me ngā whenua tōtika e taea e mātou te hoko e hāngai ana ki ngā hiahia o tētahi takiwā. Ka ohorere hoki pea te toro mai a ngā kaihoko papanoho, ngā rangatira tūmataiti ki a mātou.

I te nuinga o te wā ka hokona tūmataititia e Kāinga Ora ngā whenua, arā, mā tētahi hokotanga tūmataiti. Engari, i ētahi wā ka mate mātou ki te whakauru ki te mākete tuwhera mō te whenua tōtika. He mea hanga ā mātou tukunga ki ngā kaihoko i muri i te āta rangahau.

Ngā Hoko Whenua Rautaki a Kāinga Ora

• Ferncliffe Farm i Tauriko West, Tauranga: Kua haumi a Kāinga Ora ki Tauranga
• 28 Adelaide Road kei Mount Cook, Te Pokapū o Te Whanganui-a-Tara: Ētahi kāinga anō e whakaarohia ana mō Te Whanganui-a-Tara