Te hanga kāinga manawaroa āhuarangi me ngā hapori

Ko ngā hoahoa tāone auaha, kua whakaurua mai ki ngā aronga ao tūroa, me ngā whakahou tūāhanga nui ētahi o ngā tikanga e whakapikihia ana e mātou te tū pakari me te toitūtanga o te taio o ngā whanaketanga a Kāinga Ora puta noa i Aotearoa.

Ka mahi tahi mātou me ngā kaunihera me te Kāwanatanga, ngā mana whenua, ō mātou hoa hanga me te whanaketanga me te hapori hei whakarato i ngā whanaketanga ā-tāone tino kounga ka whai hua ki ngā hapori i tēnei rā, me ngā reanga e heke iho nei.

Tā mātou mahi hei Tari Whanaketanga ā-Tāone a te Kāwanatanga

I te mea ko mātou te tari whanaketanga ā-tāone a te Kāwanatanga o Aotearoa, e taunaki ana mātou me te tuku tohutohu mō te hanga me te hoahoa mahere tāone pai puta noa i Aotearoa. Ka mahi tahi mātou me ngā manatū kāwanatanga kei a rātou te mana mō ngā ture hāngai pērā i te Mahere Urutau ā-Motu me te Mahere Whakaiti Tukunga Waro(external link) (Te Manatū mō te Taiao), Te Whakaiti Tukunga Waro Tūnuku(external link) (Te Manatū Waka) me te Tauākī Kaupapahere Kāwanatanga mō Te Whanaketanga Kāinga me te Tāone(external link) (Te Tūāpapa Kura Kāinga).

Ka mahi tahi mātou me ngā mana ā-rohe puta noa i te motu ki te tautoko i tētahi aronga ā-mōrea kaha ki te whakahaere pūmate tūturu i roto i ngā mahere takiwā me te kotahitanga, me te taunaki kia pai ake te kounga o ngā mōhiohio pūmate tūturu, tae atu ki te mōrea waipuke, e taea ai ngā whakatau pai mō te whanaketanga.

Te tātari me te whakaiti i ngā mōrea āhuarangi i roto i ā mātou whanaketanga

I roto i ā mātou kaupapa nunui, kua oti ngā tūhuratanga matawhānui kei te pā ki ngā wāhi whanaketanga ka taea, tae atu ki ngā ara puhake me ngā mānia waipuke, mō te whiwhi whakaae mai i ō mātou hoa mahi tahi mana ā-rohe. Kei roto i ēnei mahi ko ngā rūri whenua, te whakatauira wai marangai, me ngā hoahoa hei whakangāwari mai i ngā waipuke. Ka mahi tahi mātou me ngā mana ā-rohe ki te tautuhi wāhi tōtika mō ngā pūrere whakahaere wai marangai pērā i ngā puna pupuri wai, hei āwhina ki te whakangāwari waipuke me te aromatawai mēnā ka taea te whakapai te wai i mua i te urunga atu ki ō tātou wai.

Kei raro anō ā mātou kaupapa iti ake ki aua momo tūhuratanga anō i te taha o ngā hoa mahi tahi mana ā-rohe. Ka whakarite tēnei kia nui rawa atu ngā mahi, tae noa ki ngā kāinga takitahi, ka tautoko i te whakaiti me te karo i ngā pānga o ngā pūmate tūturu āhuarangi.

Mai i te marama o Hune 2022 ka oti he aromatawai mōrea huringa āhuarangi mō ngā kaupapa hira a Kāinga Ora i roto i te hanga mahere. Kei roto i tēnei ko te aromatawai i te tuwhera me te whakaraerae ki ngā waipuke, me te whakangāwari i ngā mahi mō ngā mōrea tino teitei katoa.

Te whakatipu i te tū pakari mā te tūāhanga  

I te taha o ngā hoa kari whenua me te tūāhanga, ka hoahoatia e mātou me te waihanga i ngā tūāhanga hou, kua whakahoutia hoki hei tautoko i ngā kaupapa whanaketanga ā-tāone tino nunui.

I mua i te tīmatanga o te hanga whare, ko tētahi o ā mātou mahi tuatahi he whiriwhiri me pēhea te whakapai ake i te rōnui, te kounga me te tū pakari o te tūāhanga i roto i te takiwā, hei whakarite ka taea te tautoko ngā hiahia o te hapori onāianei me āpōpō. He rerekē ēnei mahi mā te whanaketanga me te wāhi, kei roto pea ko:

• te whakahou i ngā kōtuinga wai marangai me ngā wai para kia kore ai e puhake atu ki ngā iāri, ngā papa rēhia me ngā kōawa
• ngā waea hiko me te whitimamao i raro whenua hei tiaki i ērā mai i te kino o Tāwhirimātea
• te whakahou i ngā whenua rāhui me ngā papa kākāriki kia nui ake ai te kaha o ngā reporepo me te whakapai ake i te kaha pupuri o te wai marangai

Ka whakarite mātou ka ū ngā mahi tūāhanga katoa mō ā mātou kaupapa whanaketanga ā-tāone ki ngā whakaritenga kaunihera i mua i te tīmata i te hanga kāinga hou.

Hoahoa tāone auaha me te toitū

E āhukahuka ana tā mātou aronga mō te whanaketanga ā-tāone ehara i te mea he mea hanga noa ngā wāhi, ngā tāonenui me ngā tāone. Me mātua whakarato ngā rawa tukuora me te whakarei ake i te taiao.

Ko te toitūtanga kei te iho o ā mātou whanaketanga

He tauira ā mātou whanaketanga o Hobsonville Point mō te āhua o te āta whakarite mahere me te hoahoa tāone auaha e tutuki ai ngā putanga toitū ā-taiao. He tino arotahi hoki te whakahaere wai ina whakamahere ana i tēnei wāhanga, hei whakaiti i te pānga ki te whanga tūtata. He mea hanga ngā kāinga me ngā taika wai ua hei whakaiti i te nui o te wai marangai e uru ana ki te pūnaha. I hoahoatia ngā māra ua me ngā hārua tātari wai, ā, neke atu i te 10,000 ngā rākau māori i whakatōngia, hei tātari atu i ngā wai mai i te rori.  

I kī a Katja Lietz, Pouwhakahaere Whakamahere me te Hoahoa Tāone o Kāinga Ora, "Ko te whāinga mō te hanga whanaketanga ā-tāone he toitū he tino whaihua, otirā mō te hoahoa tāone whakahaere i te wai."

Mātakitaki: He Pēhea te Tiaki a te Hoahoa ā-Tāone Auaha i te Mauri o te Wai i Hobsonville Point(external link)

Hoahoa tāone tūturu

Kei roto i ā mātou whanaketanga ko ngā whenua rāhui kua whakahoutia, ngā kōawa me ngā wāhi kākāriki kia nui ake ai te kaha o ngā reporepo me te whakapai ake i te kaha pupuri, tuku rānei o te wai marangai. 

Ko tētahi tauira hira ko te Freeland Reserve kātahi anō ka whakatuwherahia i tā mātou whanaketanga o Mt Roskill, he wāhi i raru i te waipuke i mua. I te taha o te mana whenua, Te Kaunihera o Tāmaki Makaurau, Piritahi me te hapori, i rere ai Te Auaunga mā ngā paipa i mua, ā, i whakatuwherahia kia tūturu ai tōna rere.  I whakawhānuitia ake anō te kaha o te reporepo o te whenua rāhui me ngā rākau māori neke atu i te 100, ā, he tata ki te 8,000 tipu, i tua atu i ngā pātū waipuke hou e toru hei pupuri i ngā waipuke.

Ehara ko te wāhi whakakitekite me te ātaahua anake mō te hapori i puta i whakahounga, engari he nui ake te kaha mō te whakahaere waipuke. I ngā waipuke o Tāmaki Makaurau i te Hānuere 2023 i kite mātou i tēnei e mahi ana, i taea e te whenua rāhui te pupuri ngā waipuke me te tuku ki ngā ara puhake hei tiaki i ngā papanoho tūtata.

Pānuitia ētahi anō:

• Te whakanui i te whakatuwheratanga o Freeland Reserve i te Tonga o Roskill(external link)
• Mā te whakaora i Te Auaunga ka āwhina ki te takahuri i a Roskill ki tētahi tapatāone kākāriki ake, hauora ake, honohono ake(external link)

Mātakitaki:

• Ka kōrero te Whakataka Toitū o Kāinga Ora a Alec Tang ki te kairīpoata o Newsroom a Rod Oram mō te hira o te whakauruuru mai i ngā aronga ao tūturu me te whanaketanga ā-tāone, hei āwhina ki te whakawhānui ake i te toitū me te tū pakari o ō tātou tāone, tāonenui hoki: Why NZ Must Integrate Nature and Urban Design | Newsroom(external link)

Freeland Reserve i te wā me muri o te waipuke i Tāmaki Makaurau i te Hānuere 2023. I waipuketia te whenua rāhui, ā, i tukuna ki runga whenua ki ngā ara hei tiaki i ngā papanoho tūtata.