Te Kaupapa Whakahou a Kāinga Ora

Whai muri tonu i te kaupapa tauira i angitu i Te Awakairangi, kei te hōrapa i a mātou te Kaupapa Whakahou ki ētahi atu wāhi hei āwhina kia whiwhi ai ā mātou kainoho i ngā kāinga mahana, maroke, hauora hoki. He $500 miriona te haumi a te kaupapa, ā, ko te whāinga kia 10,000 ngā kāinga puta noa i te motu ka whakahoutia i roto te 10 tau e heke iho nei. He haumi nui tēnei ki ō mātou kāinga me ngā ōhanga ā-rohe kei reira aua kāinga.

He aha ngā mahi e whakahaerehia ana?

Ārai mātao whānui, ngā wini paparua me te kati hau pai ake

Ko te whāinga he hiki i ngā kāinga ki ngā paerewa hangatanga hou, ki runga ake rānei, ā, kia roa ake te ora o te whare mā te 50 tau.

Ko ētahi o ngā whakapaitanga ki ngā kāinga kia mahana ake, maroke ake me te hauora ake, ko te ārai mātao o te kāinga katoa (pātū, tuanui me te papa), wini paparua, aukati hau, hauhau, me ngā whakamahana hou,

He rerekē ngā mahi i tēnā kāinga, i tēnā kāinga, ā, ka whakahoutia anōtia pea e mātou ngā kauranga me ngā kīhini, te huri i ngā kāinga kia tuwhera ake te āhua o roto, ā, kia tomopai ake te kāinga.

He tata ki te toru ki te whā marama te roa o te whakatikatika i tētahi kāinga. Kei roto i tēnei ko te hangatanga, me te wā mō ngā kaireti ki te neke ki tētahi wāhi noho mō tētahi wā.

Te whakarato i ngā kāinga mahana, maroke me te hauora ake

I te taha o tā mātou kaupapa waihanga e nui ake, e tere ake te whakarato kāinga maha ake, kei roto te whakahou i te kaupapa waihanga whānui ake a Kāinga Ora ki te whakapai ake i ngā kāinga tawhito ake i te mea tata ki te 40,000 ngā kāinga me whakahou i roto i te 20 tau e whai ake.

Mā te whakahou ka āwhina i ā mātou mahi kia kakama ake, kia toitū ake te whakahou tēnā i te hanga kāinga hou, arā ka whakamahia anōtia ngā papanga, kaua te turaki ka hanga kāinga hou i runga whenua kāore e tino puta he hua ki te hanga hou.

Ka puta anō he hua ki ā mātou kaireti, me ngā hoa waihanga. He tautoko i te oranga o ā mātou kaireti mā te whakarite he mahana ake, maroke ake, hauora ake ngā kāinga, ā, kia noho tonu ngā kaireti ki ō rātou kāinga me ō rātou hapori. He arawātea hoki tēnei mō ngā kaikirimana rahinga rerekē o te rohe.

Te whakauru i ngā wini paparua hou

He aha ngā kāinga ka whakahoutia?

Ina aromatawaitia e mātou ngā papanoho kia kite ai mēnā ka taea te whakahoutia, i roto i te rautaki whānui ake mō taua takiwā, ka tirohia e mātou ngā tūmomo āhuatanga rerekē. Kei roto i tēnei ko te whaitake me te tōtika o te whakahou i te whare, me pēhea e pai ake ai te whakamahi i te whare me te whenua hei whakatutuki i ngā hiahia whare noho, otirā me tirotiro mēnā ka pai anō pea te whakawhanaketanga anō.

Ka kōrero atu mātou ki ngā kaireti mēnā he kōwhiringa te whakahou anō mō tō rātou kāinga. He mea nui kia mōhio kāore i oti ngā kāinga katoa ka aromatawaitia e mātou kia whakahoutia te whakahou. Me whakapā mai ngā kaireti ki a mātou mēnā he māharahara ō rātou, he uiui rānei ā rātou mō tō rātou kāinga, ka tirotiro mātou he aha rā he āwhina.