Ngā āhua o ngā whare noho
Nā te aro a Kāinga Ora ki te whakatū kāinga hou ka whakatūria e mātou ngā tūmomo kāinga rerekē, rahinga rerekē kia pai ake te whakamahi i ō mātou whenua, te whakatutuki i te hiahia hangapori me te whakarite ka whiwhi kāinga te hunga e tino hiahia ana.
I tua atu i ngā kāinga tū motuhake kāwanatanga me te tūmataiti, kei te whakaratoa e mātou ngā whare noho weherua, ngā whare taumata rua, toru rānei whai arapiki, ngā kāinga piritahi me ngā whaitua noho. Kei te whakaratoa e mātou ngā whare taumata-rerekē atu anō i ngā pokapū tāone matua o Aotearoa. Hei tauira, i Tāmaki Makaurau, e āhei ana i raro i te Mahere Kotahitanga kia nui ake te whakaapiapi o ngā whare.
Te tū motuhake
Ko te kāinga tū motuhake he whare noho tērā he tū wehe. E kīia ana i ētahi wā he kāinga whānau kotahi, tēnā i te kāinga noho whānau maha.
Tirohia te whakaaturanga Ahu3 o tētahi kāinga tū motuhake(external link).
Bridge Street
Ngā wharenoho weherua
Ko ngā wharenoho weherua he whare noho ērā, e rua ngā kāinga me ngā kuhunga wehe kē. Mō Kāinga Ora, ko te tikanga ka tū piri tata tētahi ki tētahi, ā, e rua ngā rūma moe.
Tirohia he whakaaturanga Ahu 3 o tētahi kāinga weherua(external link).
Kawakawa Lane
Nga Whaitua Noho
He iti noa te tautiaki i ngā whaitua noho mō ngā whānau iti. Kua kitea ka tipu te wairua hapori i roto i ngā whare whaitua noho i pai te hoahoatia, he kiato, kāore i te teitei. Ko te nuinga o ngā whaitua noho o Kāinga Ora ko ngā kāinga kotahi, e rua ngā - rūma.
Banff Avenue
Ngā kāinga piritahi
E hono ana ngā kāinga piritahi ki te kāinga kei tētahi taha, ngā taha e rua rānei kia rārangi ai. He tōtika te whakamahi a tēnei i te whenua nō reira he pai ake te utu o ēnei i ngā kāinga tū motuhake. Ko ō mātou kāinga piritahi he papanga rua ki te whā te teitei.
Tirohia he whakaaturanga Ahu 3 o tētahi kāinga piritahi(external link).
Maria Street
Ngā arapiki
Me kī he rua, he toru papanga rānei ngā whare whai arapiki. Ko te nuinga o ēnei whare whaitua noho kotahi, e rua rānei ngā rūma moe. Whakamahia ai e Kāinga Ora tēnei whakarōpūtanga i ngā wāhi tāone tūtata ki ngā pokapū tāone kia whai hua i ngā wāhi iti ake. Nā te hahaka kāore e hiahiatia ngā ararewa.
Tirohia te whakaaturanga Ahu3 o tētahi kāinga whai arapiki(external link).
Bader Drive, McKenzie Road me Cessna Place
Kua whakahoungia te whārangi: 28 Mahuru 2022