Ngā Ture me Ngā Here

1. Ka pā Ngā Ture nei ki ngā utunga katoa ki a Kāinga Ora.  Kāore e uru ki ērā ēnei e whai ake -

a. Rēti
b. Ngā rēti tōmuri
c. Ngā tūkinotanga a te kaireti
d. Utu noho wātea
e. ngā whakahokinga moni a te Kaunihera / kaikirimana

2. Mēnā kei te utu koe i tētahi o ēnei mea kua whakarērea, me waea atu, me whakapā atu rānei ki te tangata kei Kāinga Ora e kōrerorero atu ana koe ki te kimi kei hea ake te wāhi tika mō te utu i ēnei mea me ngā ture me ngā here e hāngai ana ki aua utunga.

3. E hāngai ana ēnei ture ki ngā utunga e whai ake (hei tauira anake) -

a. te utu i tētahi wāhanga tōtika ki te utu o tētahi taiepa, he pātū maioro, ētahi atu hanganga ngātahi (mēnā kei te hangaia, kei te whakakapia, kei te tapitapihia rānei)
b. te utu i tētahi wāhanga tōtika mō te utu i ngā mātanga / kaikirimana e pā ana ki ngā whanaketanga / ngā mahi e whai pānga ana ki a koe me tō papanoho (paipa hou / ngā ratonga e whakaurua ana i raro whenua).

Utu me ngā utunga

4. E whakaaturia ana te utu o Ngā Rawa, Ngā Ratonga rānei ki te whakatau utu, pūtake pakihi, nama, he tuhinga ōrite rānei (te "Whakatau Utu").

5. Me ea te utunga hei te 20 o te marama whai muri i tō whiwhi i tētahi nama. Ki te kore e ea i te rā tatū, ka tāpiri pea e Kāinga Ora he huamoni mō te rahinga tārewa (hei utu toremitanga) ka tatautia mō ia rā mai i te rā tatū tae noa ki te eatanga i te 2.5% i te marama, ka tāpirihia ki te rahinga i te 1 o ia marama.

6. Me ea hoki i a koe ngā whakapaunga me ngā utu katoa (tae atu ki ngā utu ture i waenga i te rōia me te kiritaki) e pā ana ki te utu, te whai kia utua rānei tētahi rahinga tārewa.

7. Me utu hoki koe i te katoa o te nama i te rā tatū.

8. Me utu koe i te nama mā te tikanga utu kei runga i te nama.

Whakaratonga

9. Ka oti te whakaratonga o Ngā Rawa, Ngā Ratonga hoki / rānei e ai ki tētahi Whakatau Utu.

Mōrea me te Taitara

10. Mēnā kei te utu koe i Ngā Rawa i whakaratoa e Kāinga Ora, i reira ka taka tonu te mōrea o Ngā Rawa ki a koe i te whakaratonga o Ngā Rawa e ai ki tētahi Whakatau Utu engari ko te mana o Ngā Rawa ka noho tonu ki a Kāinga Ora, ā, kāore e riro i a koe kia ea katoa i a koe Ngā Rawa.

11. Mēnā kei te utu koe i tētahi wāhanga o Ngā Ratonga, ka mutu i whakaratoa ngā ratonga e ai ki tētahi Whakatau Utu, me ea i a koe tāu wāhanga e ai ki taua Whakatau Utu.

Pūtāhui me te Tepenga o te Taunahatanga

12. E whakaaetia ana ko ngā here ā-ture, e mārama ana rānei, ka aukatia ki te whānuitanga e whakaaetia ana e te ture. Ko Ngā Rawa, Ngā Ratonga hoki/rānei e whakaratoa ana ka pūtāhuitia anake ki te whānuitanga kua whakaaetia ā-tuhi e Kāinga Ora, hāunga tērā e whakahautia e te ture.

13. Ki te whānuitanga e whakaaetia ana e te Ture, ka whakatikia e Kāinga Ora tana taunahatanga ki a koe ka ara mai i te whakaratonga (te kore whakarato rānei) o Ngā Rawa, Ngā Ratonga rānei, te rahinga rānei, te mahinga rānei o Ngā Rawa, Ngā Ratonga hoki/rānei, ā, kāore i runga i a Kāinga Ora mō tētahi ngaronga tītaha, pānga, motuhake rānei ahakoa he aha. Te Whakamahi Mōhiohio

14. E whakaae ana koe:

a. Ka whiwhi pea a Kāinga Ora i ngā mōhiohio mōu mai i tētahi tangata (tae atu ki ngā kaitautoko me ngā tari whakaea nama) me tō whakaae ki taua tangata kia tukua aua mōhiohio ki a Kāinga Ora;
b. Ka whakamahia pea e Kāinga Ora ana mōhiohio mōu e pā ana ki tō tōtika ā-putea me te tuku i aua mōhiohio ki tētahi atu tangata, tae atu ki tētahi whakaea nama, mō te aromatawai nama me ngā kaupapa whakaea nama; me
c. Ka whakamahia pea ētahi atu mōhiohio ka kohia e Kāinga Ora mōu i roto i ana mahi.

Te Whakamahi me te Ture whakahaere

15. Mēnā ka waitohua e koe Ngā Ture nei, e tētahi māngai, e tētahi tangata rānei mōu, ka noho taunaha tonu taua māngai, tangata rānei i ngā wā katoa, ahakoa ngātahi, takitahi rānei mō ngā herenga i raro i Ngā Ture nei.

16. Kāore koe i te āhei ki te tautapa i ō tika i raro i tētahi kirimana me Kāinga Ora hāunga mēnā kua whakaae ā-tuhi a Kāinga Ora. Ka tautapatia pea e Kāinga Ora ana tika i raro i tētahi kirimana me koe me tō kore whakaae atu.

17. Ki te kore e taea te whakaū tētahi ture, ko te whakarite ka mukua taua wāhanga, ā, ka noho mana tonu ērā atu wāhanga katoa.

18. Ka noho mana ēnei ture ki runga ake i ētahi atu ture i tukuna pea ki a koe hāunga ki te whānuitanga e takoto ana aua ture i konei.

19. Ka whakahaerehia e ngā ture o Aotearoa Ngā Ture nei, ā, e whakaae ana koe ka tuohu koe ki te mana kore-motuhake o Ngā Kōti o Aotearoa.