Te kōwhiringa a ngā kairēti ki te hoki atu

E mārama ana mātou he mea whakarauhi, he mea whakararuraru hoki te wehe atu i tō hapori, nō reira kei a Kāinga Ora tētahi kaupapa here ko tōna tikanga kei ngā kairēti katoa e pāngia ana e te hangahoutanga te kōwhiringa ki te hoki atu ki tō rātou hapori hei te wā tino tata ka taea.

Ka ahatia ki te whakamahere mātou i te hangahoutanga

Ki te pāngia koe e te hangahoutanga, ā, me whai whare hou, ka uiui tētahi Kaitakawaenga Kiritaki Kaitohu i a koe mō ō mariu mō ngā wāhi hei noho. Ka aro atu ia ki te takiwā o ngā wāhi he auau tō torotoro atu ki reira, pērā i ngā kura, i ngā wāhi mahi, i ngā tākuta, i ngā whare karakia anō hoki.

Nā konei mēnā me whai whare anō koe ka whakapau kaha mātou kia:

• rapu i tētahi kāinga tūturu i tō hapori o nāianei, mēnā koirā tō mariu.
• ki te kore e taea te rapu wawe i tētahi kāinga tōtika i tō hapori, ka whakaneke taupua mātou i a koe, ā, ka whakamātāmua i te rapunga mō tētahi kāinga whakakapi mōu.
• ki te kore koe e hiahia ki te noho tonu i tō hapori, ki te pai haere koe ki te kāinga i waho atu i te takiwā nā, ehara i te mea me hoki atu koe ki te tapa tāone tūturu.

Kua hangaia te kaupapahere Choice to Return hei tuku whare ki te tokomaha ka taea o ā mātou kairēti i ngā hapori e tōtika ana mō ō rātou ao. Tērā pea ka pau he wā ki te rapu i te whare e tika ana, engari mā te whakawātea i te whenua hei hanga i ngā kāinga atu anō ka whakaritea ai he kōwhiringa nui ake mō te katoa. Mēnā ka pāngia koe e tētahi o ō mātou hangahoutanga, ā, me hūnuku koe, māu e ārahi te whakatau mō te hapori ka noho nā koe.