Tā mātou aronga ki ngā whanonga whakararuraru
E pūmau ana mātou kia pai mātou hei kairetiwhare. Kei roto i tēnei kia taurite i waenga i ō mātou kawenga ki ā mātou kaireti – he uauatanga tonu mō ētahi – me te whakarite kei te pai ētahi atu i roto i te hapori.
He mea hanga tā mātou aronga hou, kua whakakahatia kia taurite ai, e aro ana kia tika engari kia pūmau. He nui ake tā mātou whakamahi i te Residential Tenancies Act (RTA) kia rerekē ai ngā whanonga, ā, kia mārama hoki kaua rawa e kino te whanonga. Ki te kore e rerekē ake tō rātou whanonga, ka whakakorehia e mātou ngā retihanga mēnā e hiahiatia ana, ā, kia kaua e tukuna he kāinga atu anō ki a rātou.
Ka mahi tonu mātou kia mārama ai he aha e pērā ai ngā whanonga whakararuraru, ka mutu ka tonoa tonutia atu ngā kaireti ki ngā ratonga pāpori me te hauora mātanga hei whakarite i ngā raruraru taketake. Ko te neke tūao tētahi atu tikanga hei āwhina ki te whakatau kei te aha.
Kua whakaurua mai e mātou tētahi tikanga mō ngā āhuatanga ka raru te haumaru i ngā mahi a te kaireti, he whakararuraru me te tohetohe rānei, ā, kāore e aro ake ki ā mātou whakatūpato. I ēnei āhuatanga, ka tono mātou ki te Taraipiunara Retihanga kia whakakorehia te retihanga.
E aro ana ēnei huringa hei whakarite i ngā whanonga whakararuraru tino taumaha. He iti noa te nuinga o ngā raru e whakapā mai ana te tangata arā ko aua raru noa i waenga i ngā kiritata puta noa i te motu, pērā i te turituri o ngā motukā, kāore i te topea auautia ngā otaota, te nui rānei o te hāereere ake o ngā manuhiri ki tētahi kāinga. Ka whakaritea tonutia e mātou ēnei momo māharahara puta noa i ā mātou whakahaere onāianei.
He mea nui kia maumahara ko te nuinga o ā mātou kaireti kei te pai noa iho rātou, he ngākau mahara, ā, he whakaaronui ki ō rātou kiritata – nō reira kāore rātou e tino kite i ngā rerekētanga ki tō rātou retihanga.
Te whakawhitiwhiti kōrero ki ngā kaireti
E mārama ana mātou ka raru tō rātou retihanga i ngā whanonga tino whakararuraru, ā, ko tā mātou e hiahia ana kia rerekē ō rātou whanonga. Ki te kore, ka whakakorehia e mātou tō rātou retihanga.
He mea nui kia tōkeke tā mātou whai, nō reira ina whiwhi amuamu mātou, ka kohia e mātou ngā whakaaturanga kia mārama pai ai mātou i aha.
Mai i reira kei te āhua kē o ngā āhuatanga, ā, ko te whakamahi pea i ngā tikanga e wātea ana ki a mātou i raro i te RTA. Mā ēnei tikanga ka mārama te whakatūpato a ngā kairetiwhare kāore i te pai te whanonga o te kaireti, ā, me rerekē tō rātou whanonga – me te aha e whakamahia ana e mātou ēnei kia mātua mōhio, kia ū hoki ngā kaireti ki ō rātou here. Ina whakamahi i te RTA, kei reira te hātepe hei mātua whai mā ngā kairetiwhare, ā, ahakoa he roa pea tēnei, me mātua whai mātou i te hātepe tika.
Anga Whakahaere Retihanga
Kua whakaurua mai e mātou tētahi aronga hou hei whakahaere i ā mātou retihanga – te Anga Whakahaere Retihanga. Mā tēnei aronga kaha ake ka taurite ake i waenga i tā mātou mahi hei kairetiwhare, ngā here kei ā mātou kaireti, me te tika o te hunga kei te hapori kia noho pai rātou. Ka whakamōhio atu te Anga Whakahaere Retihanga i tā mātou aronga ki tūmomo raru retihanga, pērā i ngā nama rēti, ngā whanonga whakararuraru me te whakahaere mōkai.
Anga Whakahaere Retihanga POL-358 [PDF, 601 KB]
Kaupapa Whanonga Whakararuraru
Kia anga whakamua tonu, ka whakatauhia e tā mātou Whanonga Whakararuraru hou tā mātou aronga hou me te ārahi i te āhua o tā mātou urupare ki ngā whanonga whakararuraru.
I tua atu i te mahi haere tonu kia mārama ai ki ngā mea he whakararuraru tō rātou whanonga me te tautoko kia rerekē ai te whanonga, kua whakaurua mai e mātou tētahi tikanga mō ngā āhuatanga ka raru te haumaru i ngā mahi a te kaireti, he whakararuraru me te tohetohe rānei, ā, kāore e aro ake ki ā mātou whakatūpato. I ēnei āhuatanga, ka whakamutua e mātou ngā retihanga ina hiahiatia, ā, kāore e tukuna he whare Kāinga Ora kē ki a rātou.
Kaupapa Whanonga Whakararuraru POL-355 [PDF, 796 KB]
Te whakamahi tikanga hei whakahaere i ngā whanonga whakararuraru
Ka kakama tonu mātou ki te rapu i te kōrero whānui i aha hei āwhina ki te whakatau i te take. Ko ā mātou mahi kei te āhua o ngā āhuatanga, ā, e aro ana mātou ki te whakarite i tētahi putanga tika.
Mēnā ka kite mātou kua takahia e tētahi kaireti ōna here e ai ki te Residential Tenancies Act (RTA), ka whakamahia e mātou ēnei tikanga e whai ake kia mārama ai kāore i te pai aua mahi:
|
Action taken |
Description |
September 2024 |
Financial year to date (2024/2025) |
|---|---|---|---|
|
Section 55A notices issued |
We can make it clear to tenants that their behaviour is unacceptable, and their tenancy is at risk by issuing a Section 55A notice. If a tenant receives three Section 55A notices within a 90-day period, then we can apply to the Tenancy Tribunal to end their tenancy. |
78 |
240 |
|
Agreed relocations |
If tenants are willing, Kāinga Ora can work with them to relocate them to a new home. Most tenants take moving to a new home as an opportunity for a fresh start and do not cause further issues. |
22 |
75 |
|
Required relocations (s53B notices) |
Section 53B notices are used to end a tenancy and move the tenant to another Kāinga Ora home. Most tenants take moving to a new home as an opportunity for a fresh start and do not cause further issues. |
0 |
1 |
|
Tenancy terminations by order of Tribunal (s55, s55A, s55AA, s56 notices) |
In severe, threatening or persistent cases we will seek termination at the Tenancy Tribunal and will not provide the tenant with another Kāinga Ora home. This figure includes situations where a tenancy has been terminated after we have issued the tenant with three section 55A notices within 90 days. |
3 |
12 |
Kua whakahoungia te whārangi: 2 Hakihea 2024