Tā mātou hātepe rapu kaimahi

Te Tono mō ā mātou Tūranga

Ka pānuitia e mātou ā mātou tūranga katoa mā tā mātou paetukutuku: careers.kaingaora.govt.nz(external link)

Hei tono, me whakaoti noa koe i te puka tono ā-tuihono(external link), ā, ka whiwhi koe i tētahi īmēra whakaū.

Mēnā kāore e kitea e koe te tūranga tika hei tono māu, me rēhita(external link) i ō taipitopito, ā, ka whakamōhiotia atu koe mō ngā tūranga tōtika ina pānuitia, me whakapā atu rānei ki tā mātou Rōpū Rapu Kaimahi i kaingaora.recruit@kaingaora.govt.nzhei kōrerorero haere tonu mō ngā kōwhiringa me ngā arawātea.

Tā Mātou Hātepe Rapu Kaimahi

I Kāinga Ora ko tō mātou hiahia kia mōhio mātou ki a koe me ō pūkenga mā tā mātou hātepe rapu kaimahi, ka mutu kia mōhio ai hoki koe ki a mātou me ā mātou mahi.

E tutuki ai tēnei, e hiahia ana mātou kia ngāwari, kia rere pai ai tō wheako rapu mahi. Kei roto i ngā mōhiohio i raro ko tētahi tirohanga whānui anō mō ngā mea ka puta ina rapu kaimahi mātou i Kāinga Ora:

Tīpakonga - E ai ki te tūranga, tērā ētahi momo tikanga ka whai mātou ki te toro atu ki a koe i roto i te hātepe tīpakonga. Tērā pea mā te waea, te uiui ataata, pokapū aromatawai, Skype, whakamātautau ā-ine hirikapo, he hui me te inu kawhe, he uiui ōkawa rānei.

Ina kati te tūranga ka whiwhi koe i tētahi īmēra, ka waeahia atu rānei koe e te Rōpū Rapu Kaimahi ki te whakamōhio atu ki a koe mēnā kua whiwhi uiui koe, mēnā rānei i pūhore rānei tō tono.

Uiui - Ka whakapā atu tō mātou rōpū rapu kaimahi ki a koe mā te waea, īmēra, SMS rānei ki te whakarite uiui, ā, ka whiwhi koe i tētahi īmēra whakaū kia pai ai tō whakarite i ngā whakaritenga me te āwhina i tō whakamahere. Ka whakarite tēnei i te wā, te rā, te wāhi me ngā taipitopito o te rōpū uiui.

Ko tā mātou e whakaaro ana, hei whakareri mō tō uiui, tirohia tā mātou paetukutuku, tirohia ngā āheitanga kei te Whakaaturanga o te Tūranga mō te tūranga e uiuitia ana koe, ā, kia mārama ai koe ki te S.T.A.R., he tauira uiui - he tikanga tērā e whakamahia ana e ā mātou Kaihautū kia mau ai ngā pātai ki te ara tika.

Te whakareri mō tētahi Uiui

Atu ki te toru ngā kaiuiui i a koe, ā, he tata ki te kotahi haora te roa, me te whai wā hoki mōu ki te tuku pātai.

Ka whakamahia e mātou ngā uiui ā-āheitanga me ngā pātai ā-whanonga. Ka āwhina ēnei pātai i ā mātou ki te aromatawai he pēhea te āhua o tō whakatauira i ngā āheitanga e hiahiatia ana mō te tūranga.

Ko ngā pātai ā-whanonga ko ngā mea pērā i te "Kōrerohia mai tētahi wā...", "Homai he tauira mō tētahi wā..." e kōrero ai koe mō ngā tauira tauwhāiti mai i tō wheako mahi. Me whakaaroaro koe mō ngā tauira e hāngai ana ki te tūranga ina taea.

Ko tētahi tikanga pai rawa hei whakautu i ēnei momo pātai ko te whakamahi i te tauira S.T.A.R.:

• Me whakamārama poto i te Situation (Āhuatanga), Task (Tūmahi) rānei;
• Whakaahuatia te Action (Mahi) i whai koe, ā, he aha ai,
• Whakamāramahia he aha te Result (Otinga), te putanga rānei. Kei roto pea i tēnei ko ngā akoranga ki a koe, me ngā mahi rerekē ka whāia e koe nā tērā

Mēnā kei runga tō uiui i tētahi pae uiui ataata me whai koe i tēnei hono ki tā mātou aratohu uiui ataata.

Ngā mea hei tūmanako māu i muri i te Uiui

Mēnā riro i a koe te tūranga, ka whakapā atu mātou ki a koe ki te kōrero mō ngā mahi whai ake. Mēnā kāore koe i whiwhi i te tūranga, ka whakapā atu mātou ki a koe mā te waea, mā te īmēra rānei ki te tuku whakaaro atu.

He Whakamātautau Atu Anō

Mō ētahi tūranga, ka tonoa pea koe e mātou kia haere mai koe ki tētahi uiui tuarua, te whakaoti rānei i ngā whakamātautau hangarau atu anō, ngā aromatawai ine hirikapo rānei. Ka whakamahia e mātou tētahi kaiwhakarato nō waho mō te whakamātautau ine hirikapo me te kaha, ā, ka tono whakaaetanga i a koe i mua i te tuku i ō taipitopito whakapā ki a rātou.

Te Kōrero ki Ngā Kaitaunaki

Ka tono whakaae i a koe kia whakapa atu ki ō kaitaunaki mahi (kia rua i te iti rawa). Ko te mea pai, ko tētahi o ēnei kaitaunaki ko tō kaiwhakahaere onāianei, o nā tata tonu rānei.

Ngā Mahi Whai Ake

Ina tutuki pai ēnei mahi tirotiro, ka whakapā atu mātou ki a koe ki te kōrero mō ngā mahi whai ake.