Te whai whare a te kairēti

Kei a Kāinga Ora ētahi hua ka āwhina pea i a koe kia whai whare

Pūtea Taurewa Whare Tuatahi

Ka māraurau pea koe ki tētahi Pūtea Taurewa Whare Tuatahi me te whakaritenga moni tāpui iti iho, torohia te whārangi Pūtea Taurewa Whare Tuatahi, kōrero rānei ki tētahi o ngā kaituku e whai wāhi mai ana.

Te Takuhe Whare Tuatahi me te tangohanga whare-tuatahi a KiwiSaver

Mēnā he mema koe o KiwiSaver ka māraurau pea koe ki te Takuhe Whare Tuatahi, ka taea rānei te tango i te katoa, i tētahi wāhanga rānei o ō pūtea penapena i KiwiSaver mā te whakamahi i te tangohanga whare tuatahi a KiwiSaver.

Kia ako tonu atu mō ngā hua rerekē kei a mātou hei āwhina i ngā kaihoko whare tuatahi waea ki 0508 935 266, i waenga i te 8 i te ata ki te 5 i te ahiahi, Mane ki te Paraire, īmēra rānei ki kiwisaver.enquiries@kaingaora.govt.nz.

• Kia pai ai te hoko, me mino pea koe i te pūtea i tētahi kaituku. Kia pēnei ai me whakaatu pea e koe:
  • te hītori taurewa pai
  • ka taea e koe te utu i ngā utu anō mō te pūtea taurewa whare
  • kei a koe te moni tāpui ā-pūtea hei whakamau i te pūtea taurewa whare.
• Ka taea e mātou te tohutohu ki a koe he utu hokotanga whakatau tata – kia mōhio mai he aratohu noa iho tēnei, ā, me oti tonu tētahi wāriutanga tōtika.
• Oti ana tō whakaatu ka tareka ā-utu koe ki te hoko ki te wāriu whakatau tata, ka tono, ka utu hoki a Kāinga Ora i te wāriutanga mai i tētahi kaiwāriu kua rēhitatia.
• Ka hokona atu tō whare mō te wāriu mākete o te wā.
• Oti ana te whakatau i te utu hokotanga, e tūtohu ana mātou kia whiwhi hoki koe i tētahi pūrongo āta tirotirohanga nā tētahi kaihanga whare mō te whare. Ko tōna $400 te utu o tēnei. Ka hiahia hoki pea koe ki te kōrero ki tētahi rōia hei pātai i āu pātai ā-ture.

He utu hira anō me whai whakaaro pea e koe ina hoko ana i tētahi whare, pērā i:

• Ngā utu ā-ture – $1,000 i te itinga iho
• Te utu rīanga mōkete a te kaituku
• Te pūrongo kaihanga whare – ko tōna $400
• Te utu tono moni taurewa
• Land Information Memorandum (LIM) mai i te tari kaunihera ā-takiwā

He utu haere tonu o te whai whare hei whai whakaaro tae atu ki:

• Ngā tāke kaunihera – $1,000 i te itinga iho ia te tau
• Te rīanga taonga whare me te whare – he tapeke o te $700 i te itinga iho ia te tau
• Te tautiaki – i roto i tēnei ko te whakatika kōrere, ko te peita, ko te aha atu

Me utu katoa tō pūkete rēti ki a Kāinga Ora hei te wā ka hoko koe i tō kāinga. I roto i tēnei ko te utu i ngā nama katoa e hāngai ana ki ngā tūkinotanga me te rēti hāngai-moni whiwhi.