Ngā toronga me te urunga atu

Ka āta tirotirohia ngā whare katoa a Kāinga Ora kotahi wā i te tau i te itinga iho hei hihira i ngā mea pērā i ngā pūoho auahi, me te tiaki e pai ana te mahi o ngā mea katoa. Ka toro atu pea mātou ki a koe i ētahi atu wā ina hiahiatia, ā, ka whai wā anō koe ki te whakamōhio mai ki a mātou mēnā me whakatika tētahi mea.

I mua i tō hūnuku atu, ka toro mātou ki tō kāinga me te hoatu i tētahi Property Condition Report ki a koe hei waitohu.

Kia hia te roa o ngā toronga?

I te nuinga o te wā ko te roa o te toronga ko te 40 meneti. Mā mātou e hihira:

• ka whakatutuki te āhuatanga o tō kāinga i ā mātou paerewa tautiaki
• ka whakatutuki te papanoho i te Building Act, i ngā waeture mō te haumaru ahi anō hoki
• kua whakamau ngā pūoho auahi, ā, e tika ana te mahi
• e whakatutuki ana koe i ō herenga hei kairēti
• e whakatutuki ana mātou i ā mātou herenga hei kairetiwhare.

Te pānui i mua i tā mātou toro atu

Ka whakamōhio atu mātou ki a koe mā te reta e 48 hāora i mua i tā mātou tae atu ki te toro atu ki a koe i te kāinga. Ki te kore te wā e pai ana ki a koe, tēnā whakamōhiotia mai mā te waea ki 0800 801 601, ā, ka whakaritea tētahi atu wā.

Ko wai me noho i te kāinga

Me noho tētahi pakeke i te kāinga mō te toronga ā-tau - ko te painga ake ko te tangata nāna te whakaaetanga retihanga i waitohu. Ki te kore tērā e taea, e pai ana tāu whakarite kia noho tētahi hoa, tētahi whanaunga rānei, he pakeke ia, kia noho kē i reira.

Ko wai ka mahi i te toronga ā-tau?

Ko tētahi mema rōpū nō Kāinga Ora, ko tētahi kamupene āta tirotiro papanoho rānei. Me whakaatu ki a koe ngā kaitirotiro katoa i tā rātou tautohu. Ki te kore rātou e whai i tētahi, me tono kia noho ia ki waho me te waea wawe mai ki a mātou ki 0800 801 601.