Te tautoko i a koe i tō kāinga

Ki te hiahia koe ki te kōrero ki a mātou, tēnā whakapā mai. Ka taea e mātou te whakautu pātai mō tō retihanga, te hoatu mōhiohio me te tautoko ki a koe, te whakarite tautiaki rānei mō tō kāinga. Ka wawe tā mātou āwhina ake ina taea ana kia whai koe i ngā taputapu, i te tautoko hoki e hiahiatia ana e koe kia pai tō noho i tō kāinga, i tō hapori anō hoki.

Tō Kaitoko Kāinga

Ka tino mōhio koe ki tēnei tangata nō Kāinga Ora. He ingoa reo Māori, he ingoa reo Ingarihi hoki tō tōna tūnga:

• Kaitoko Kāinga / Housing Support Manager
• Kaitoko Kāinga Matua / Senior Housing Support Manager

Ko tā mātou whāinga kia rongo koe i te haumaru, i te whita, i te whai tautoko hoki i tō kāinga, e tūhonoa ana ki tō hapori, ā, kei a koe te mana mō tō ao, mō tō oranga hoki. E arotahi ana tō Kaitoko Kāinga hei āwhina i a koe ki te whakatutuki i tēnei, ki te hanga i tētahi hononga whirinaki ki a koe hoki.

Te mahi ngātahi

Ka tūhono mātou i tō Kaitoko Kāinga ki a koutou ko tō whānau i runga i ōna kaha, i ōna pūkenga, i tōna mātauranga mō te hapori, kaua ko te whare e noho nā koe. Ka mahi ngātahi ā mātou Kaitoko Kāinga huri noa i te motu hei tuku i te tautoko tika ki ā mātou kairēti.

Nā konei kāore pea i a kōrua ko tō kiritata te Kaitoko Kāinga kotahi, heoi anō kei te mahi ngātahi rāua hei wāhanga o te rōpū kotahi, o Awhi Rito. I ngā wā katoa, kei reira tō Kaitoko Kāinga hei āwhina – waea atu ki a ia ki te hiahia koe ki a ia.

Tō haerenga tahi ki a Kāinga Ora

Ahakoa kātahi anō koe ka hūnuku mai, ahakoa e noho ana koe i tētahi kāinga nō Kāinga Ora i tēnei wā, ahakoa kua rite koe ki te neke atu, kia maumahara, kei konei mātou hei āwhina. E ū ana mātou ki te tautoko i a koe i tō haerenga tahi ki a mātou, ā, ka pukumahi mātou hei whakarite kia pai tō wheako ki a mātou.

He wāhi nui kei tō Kaitoko Kāinga mō te whakatutuki i tēnei – i tō tūnga tahitanga mai hei kiritaki a Kāinga Ora, ka wātea mai ia hei whakarite kei a koe ngā mea katoa e hiahiatia ana kia tau ki tō kāinga, ki tō takiwā noho, ki tō hapori hoki.

Ka tukuna hoki e ia te tautoko haere tonu hei āwhina i a koe kia pai tō noho ki tō kāinga. Ka tūhono tonu ia ki a koe, ā, ka wātea mai ia ki te tūtaki ki a koe, ki te tautoko i a koutou ko tō whānau, mēnā e pērā ana tō hiahia. Ki te hiahia koe ki tētahi mea, arā ētahi ara kia whakapā mai koe.