Ngā Utunga

E hiahia ana mātou kia tino māmā māu te utu pai i tō rēti, i ērā atu pire, Ki tēnei whārangi ka kite koe i ētahi taipitopito whaitake, heoi he pai tonu tō whakapā mai mēnā he pātai āu.

Te monihere

Kāore a Kāinga Ora e tono i tētahi monihere ina hūnuku mai koe – kei te hiahia mātou kia whakamāmā i tā te tangata hūnuku mai ki tētahi kāinga mahana, he maroke hoki, nō reira i mutu tā mātou mahi pēnei i te Āperira i te tau 2019.

Te rēti

Mā te utu i tō rēti i te wā tika ka ārai atu i te rauhi ki a koe Mā ētahi utunga kua hipa e rongo pea koe ānō nei kua kino, kātahi ka kino ake, nō reira waea mai ki a mātou mēnā e āwangawanga ana koe mō te utu mai i te wā tika.

Ki te mōhio koe ka hipa i a koe tētahi utu, kua hipa kē rānei, ka taea e tātou te mahi ngātahi i tētahi mahere ka whakamāmā ake kia utua anō, ā, nā konei kāore koe e wāhi i tō whakaaetanga retihanga. Waea mai ki a mātou ki 0800 801 601 ki te hiahia āwhina koe.

Te rēti hāngai-moni whiwhi

Mēnā e utu ana koe i te rēti hāngai-moni whiwhi, ka arotakehia e Te Manatū Whakahiato Ora (MSD) ia te tau, tata ki te rā i hūnuku mai koe.

Oti ai tā rātou arotake atu, ka tuhi a MSD ki a koe hei whakamōhio atu mēnā ka panoni tō rēti, ā, he aha pea aua panoni. Kātahi ka tuku a MSD i tētahi puka ki a koe hei whakakī i tōna whā marama i mua i te wā ka panoni tō rēti.

Ki te kore koe e hiahia ki te tono ki te rēti hāngai-moni whiwhi, mēnā kua neke atu tō moni whiwhi ki tua i te pae rānei, me utu pea koe i te rēti mākete mō tō kāinga.

Kia maumahara ki te whakamōhio wawe mai ki a mātou ina huri ō āhuatanga.

Mō ētahi mōhiohio anō

• Waea atu ki Te Manatū Whakahiato Ora ki 0800 559 009.
• Kei a rātou hoki ētahi mōhiohio anō, tae atu ki ngā pātai auau, ki tā rātou paetukutuku(external link)

Te rīanga

Te rīanga papanoho

Kei a Kāinga Ora te rīanga e kapi ai tō kāinga tae atu ki, te tūkinotanga mai i ngā pānga māori pērā i ngā āwhā, i ngā waipuke, i ngā rū whenua anō hoki.

Kāore koe e mate ki te utu i te tūkinotanga mai i ērā mea. Ka whakamōhio atu tō Whakaaetanga retihanga [PDF, 788 KB] ki a koe te rīanga e puritia ana ki tō kāinga.

Te tūkinotanga ki tō kāinga

Mēnā nāu te tūkinotanga ki tō kāinga, hei tauira ka pakaru tētahi matapihi, me waea mai ki a mātou ki 0800 801 601 hei kōrerorero i ngā kōwhiringa.

Te rīanga taonga whare

Me utu koe i te rīanga mō ngā mea i roto i tō whare, koinei pea ko tō pouaka whakaata, ko tō moenga, ko ō kākahu hoki. Ka taea te kōrero ki tō Kaitoko Kāinga māna ētahi kōwhiringa kaiwhakarato e hoatu ki a koe.