He kairetiwhare tā mātou mahi
He mea nui ki a mātou te kounga o ō mātou kāinga me te oranga o ngā tāngata 190,000 e noho ana i roto – tata ki te 40% o ērā he tamariki, he taiohi.
Hei kairetiwhare pāpori, ka whakapau kaha mātou ki te tautoko i ā mātou kaireti me te whakarato i tētahi kāinga mahana, maroke e ū ana ki ō rātou hiahia. Kei roto hoki i tēnei ko te tūhono i a rātou ki ngā tautoko e hiahia ana rātou kia pai ai te noho, kia tū rangatira, i rō hapori tūhonohono.
Nō reira, ko tā mātou mahi he whakarato kāinga pūmau ki ā mātou kaireti mō te wā e hiahiatia ana e rātou. Otirā, ko tā mātou e hiahia ana mai i a rātou kia pai hei kiritata, hei kaireti hoki.
Anei ētahi o ā mātou kaireti
Tirohia ngā kōrero mō ētahi o ā mātou kaireti rawe e āwhina nei kia pai rawa tō rātou hapori hei wāhi noho.
Ngā mea e hiahiatia ana i ā mātou kiritaki
Ko tā mātou mahi he whakarato kāinga pūmau ki ā mātou kiritaki mō te wā e hiahiatia ana e rātou. Ko tā rātou, me kaireti pai, kiritata hoki rātou, ā, e mārama ana mātou he aha tērā.
Tā mātou aronga ki ngā whanonga whakararuraru
Kua rerekē tā mātou aronga mō te whakahaere retihanga me te whakakaha i tā mātou urupare ki ngā whanonga whakararuraru.
E mōhio ana mātou ko te nuinga o ā mātou kaireti he tāngata mahara, ā, he whakaaronui ki ō rātou kiritata. Engari, ina pā mai ngā whanonga whakararuraru, me mōhio koe ka nui ake tā mātou whakamahi i ngā tikanga e wātea ana ki a mātou i raro i te Residential Tenancies Act kia rerekē ai ngā whanonga, ā, kia mārama hoki kaua rawa e kino te whanonga.
Ngā mōhiohio mā ō mātou kiritata
Mēnā he whare a Kāinga Ora kei tō takiwā noho, he pātai pea āu i ētahi wā, me whakapā mai rānei ki a mātou.
Kua whakahoungia te whārangi: 12 Hōngongoi 2024