Te tautiaki i tō kāinga

Mā Kāinga Ora:

• e whakarite he mā, he tika tō kāinga ina hūnuku mai koe
• e whakarite kia pai tonu te āhua hanganga o tō kāinga - he hōtaka tautiaki haere tonu tā mātou mō ō mātou papanoho katoa
• e whakamahi i ngā whakatika kōhukihuki hei te wā tino tata ka taea
• e hihira e tika ana te mahi o ō pūoho auahi
• e whakatika i ngā pānga noa ki te whare i roto i te wā hei te wā tino tata ka taea.

Te tono tautiaki

Mō ngā uiui kōhukihuki me ngā whakatikahanga ahuwhānui, mō ngā uiui tautiaki rānei, waea mai ki a mātou ki 0800 801 601 me te tīpako 'kōwhiringa 4 - repairs and maintenance'. Ka taea hoki te rēhita i tētahi mahi kāore i te kōhukihuki mā te whakamahi i MyKaingaOra i ngā wā katoa, mai i te āhuru o tō kāinga. Ka taea te tiro ki te tūnga o ngā mahi o nāianei ki te wāhanga "Current Maintenance".

Ko ngā whakatika kōhukihuki ko ngā raru ka pā ki tō hauora me te haumaru. Mā mātou ēnei e whakatika i roto tonu i te 4 hāora, ina e taea ana.

I roto pea i ngā whakatika kōhukihuki ko ēnei:

• ngā manga kua kati, ngā raru wharepaku, parakaingaki rānei
• te komama haurehu, te komama wai kino rānei
• kāore he hiko, he wai wera rānei
• ngā raru ā-hiko.

Mēnā kāore te mahi i te kōhukihuki ka whakarite mātou kia toro atu tētahi kaikirimana i roto tonu i te 10 rā mahi hei hihira he aha e hiahiatia ana.

Ka whakatau pea ia me oti te mahi hei te wā tino tata ka taea, kia uru rānei te mahi hei wāhanga o tā mātou hōtaka tautiaki e whakamaheretia ana. He pai pea te whakamahi i ētahi whakatikahanga, pērā i te peita, i ngā whakamohoa rānei ki ētahi kāinga i te wā kotahi, kaua e takitahi ana. Ka mahi mātou ki a koe mō te whakatikahanga tino pai.

Te mahi i āku ake whakatikahanga tautiaki

Ki te hiahia koe ki te mahi i ētahi mahi tautiaki i tō kāinga, kōrero mai ki a mātou i te tuatahi ki te Pokapū Tautoko Kiritaki ki 0800 801 601 me te kōwhiri 'kōwhiringa 4 - repairs and maintenance'.

Ehara i te mea me waea mai koe ki a mātou ki te hiahia koe ki te mahi i ngā whakatikahanga paku pērā i te whakakikī kōwiri, i te panoni pūrama, engari ka taea e mātou te āwhina i a koe ki te kore koe e māia ki te mahi ake, ki te kore ō taputapu tika rānei kia haumaru ai te mahi.

Hei whakarite kia whakatutuki ō mātou kāinga i ngā paerewa haumaru, ka hihira mātou i ngā mahi kua oti i a koe anō. Ki te kore e whakatutuki i ā mātou paerewa, ā, me mahi anō ngā kaikirimana i te mahi, māu pea te utu e kawe.

Te whakarerekē i tētahi kāinga mō te hauātanga

Mēnā he kairēti koe a Kāinga Ora, ā, e pāngia ana koe e te hauātanga, e tētahi matea nekeneke rānei e hiahia ana ki ngā whakarerekētanga ki tō kāinga, whakapā mai kia kōrerorero tātou mō ngā ara ka taea e mātou te āwhina. Whakapā mai

Ngā ringarehe

Ka herea ngā kaikirimana e mahi ana mō mātou e tētahi Tikanga Whanonga. Ka here tēnei i a rātou:

• kia whakapā atu ki a koe hei whakaae i tētahi wā kia whakamahia ngā whakatikahanga - māna he kōhukihuki te mahi, ā, mēnā e pēnei ana ka whakaaro mātou kei te kāinga koe
• kia waiho i tōna ingoa, i tana wāhinoho, i tana nama waea, i te rā, i te wā, i te take i toro atu ki te kore koe i te kāinga ina toro atu ia
• kia whakaatu i tāna kāri tuakiri ki a koe i mua i te kuhu atu ki tō kāinga
• kia waiho kia haumaru, kia mā, kia tika tō whare hei te mutunga o ia rā mahi, me te tango i ā rātou para
• kia whakaute i tō tūmataiti, ā, ka manaaki i tō kāinga, i ō taonga
• kia tika ōna kākahu, kia huatau tonu ki a koe i ngā wā katoa.

Ka taea e koe te āwhina mā:

• te noho i te kāinga i te wā kua whakaaetia, te whakamōhio wawe mai ki a mātou ki te kore koe e noho i te kāinga
• te neke atu i ngā taputapu, i ngā taonga whaiaro kei runga pea i te wāhi ka mahia
• te puri i ngā tamariki, i ngā mōkai kei waho atu i te wāhi ka raru pea.