Ngā papa kōmaru kei runga i tō kāinga

He pēhea te mahi a ō papa kōmaru

• Ka ngongoa e ō papa kōmaru kei runga i tō tuanui te pūngao mai i te rā ka huria hei hoko.
• Ka rere tēnei iahiko mā ngā waea mai i te tuanui ki tētahi pūhuri iahiko (koinei te pouaka kua whakamaua ki ō pakitara).
• Ka hangaia e te pūhuri iahiko kia noho reri te hiko hei whakamahi i roto i tō kāinga, ā, ka taea e koe te whakamahi mō ngā mea katoa me whai hiko (kāore he mahi kē atu māu).
• Ko ngā hiko kāore i te whakamahia i roto i tō kāinga ka tukuna atu ki te pūnaha hiko paetata.

WHAKATŪPATO

Kaua e rawekehia te pūrere mahi hiko, ngā waea rānei kei te puta mai. I ētahi wā kei te kā, ā, kei hikoina koe.

Ngā painga

• Ka penapena pūtea koe mai i tō nama hiko i te mea ko ngā hiko kōmaru ka mahia e ō papa kōmaru he koreutu ki te whakamahi.
• Ko te rahinga o ngā moni ka penapenatia kei te maha o ngā papa kōmaru ka whakamaua ki tō tuanui me te nui o te hiko ka whakamahia e koe i te wā e whiti ana te rā – ki ō mātou e hia rau tāra ka penapena e koe i te tau.
• Mā te whakamahi pūngao kōmaru ka whakaiti hoki i te pānga waro o tō kāinga, nā te iti o te whakapeto koranehe me ngā hau kati kōtuhi. Ā, ko tōna tikanga ka haumaru ake, ka hauora ake a Papatūānuku mō te katoa!

Te tino whai hua i ō hiko kōmaru

Me kaha koe ki te whakamahi hiko i te awatea i te wa e whiti ana te rā. Anei ētahi āwhina hira:

• Me whakamahi i tō mīhini horoi kākahu, tō umu, ētahi atu pūrere rānei i te awatea.
• He pai ake te kaukau i te pau haeretanga o te ata, hei whakamahi kē i te hiko kōmaru hei whakamahi i tō puoto waiwera.
• Me ngana hoki kia kaua e whakamahia te nuinga o ō pūrere i te wā kotahi i te mea ka nui ake te whakamahia o te hiko ki tērā e whakaputaina ana e ō papa kōmaru. Ina pērā ana, ka whiwhi nama hiko koe mai i tō kaiwhakarato hiko.
• Mēnā ka wehea e koe te nuinga o te hiko ka whakamahia e koe i te wā e whiti ana te rā, ka iti iho te rahi o te hiko ka utua e koe.

Kei a Consumer NZ(external link) ētahi mōhiohio whaitake e hia te nui o te utu mō te whakahaere i ō pūrere.

Tirohia ētahi atu āwhina penapena pūngao whaitake(external link).

Rapu e hia te hiko e whakaputaina ana e ō papa kōmaru

• Ka whakaaturia te nui o te hiko e whakaputaina ana ki tō pūhuri iahiko.
• Mēnā he whakamaunga kōmaru arowhānui tāu, ka kitea e koe te hiko ka whakaputaina i roto i te wā i runga i te paetukutuku a Fronius Solar, te taupānga rānei.
• Me tikiake i te taupānga ki tō rorohiko, mā te playstore, te pātaka taupānga rānei kei tō waea atamai.
• Mēnā he pūnaha Solshare tāu kei tō whaitua noho kāore e taea e koe te whakamahi tētahi taupānga i te mea e whakamahia ana te kōmaru e ngā kāinga katoa. Mēnā kei te hiahia mōhiohio atu anō koe he pēhea te mahi a tēnei, me īmēra mai ki solartrials@kaingaora.govt.nz

Ngā toenga hiko kōmaru

• Mēnā he nui rawa ngā hiko ka whakaputaina e tō kāinga, ka tukuna atu te hiko tuwhene ki te pūnaha hiko.
• Ka utua pea e tō kaiwhakarato hiko tētahi moni ki tō kaute mō tēnei toenga hiko.
• He pai tonu te tirotiro mēnā kei runga koe i te mahere e whiwhi utu ai koe mō ia rahinga hiko kWh ka tukuna atu ki te pūnaha hiko – me pātai atu ki tō kaiwhakarato hiko mō tēnei.

Kei te tūhura a Kāinga Ora me pēhea tā mātou whakamahi i ēnei toenga hiko hei āwhina ki te whakaiti i ngā nama hiko a ētahi atu kiritaki kāore ā rātou papa kōmaru.

Mēnā ka tutuki tēnei kua kore koe e whiwhi i tētahi utu mō ngā toenga hiko. Engari, ka hoki tēnei ki a Kāinga Ora kia pai ai tā mātou āwhina i ētahi atu kiritaki ki te whakaiti i ā rātou nama hiko.

Te take kāore ngā mahere hiko utu-tōmua i te hāngai ki ngā papa kōmaru

• Ko ngā kāinga mau papa kōmaru he whai inehiko hoko whakaroto/whakawaho motuhake i whakamaua i mua i te tūhono ki te kōtuinga hiko. Kāore ēnei inehiko hoko whakaroto/whakawaho i te hāngai ki ngā mahere hiko utu-tōmua.
• Mēnā ka huri koe ki tētahi mahere hiko utu-tōmua, ka momotu mai tō inehiko hoko whakaroto/whakawaho, ā, kāore pea e taea e koe te whakamahi hiko kōmaru.
• Ka taea e tō Kaiwhakahaere Tautoko Whare Noho koe te āwhina ki te kimi i tētahi kaiwhakarato hiko tōtika. Ka taea hoki e koe te tirotiro ngā mahere e wātea ana i www.powerswitch.org.nz(external link).

Te roa e mahi ana ō papa kōmaru

• Ka noho tūturu ngā papa kōmaru ki tō whare, ā, ko te tikanga ka mahi mō te 25 tau, neke atu.
• Ka āta tirotirohia e mātou ō papa kōmaru tae noa ki te rua tau i muri i te whakamaunga. Ko te take kei te hiahia mātou ki te mōhio he pēhea te whaitake ki te whakaiti i ō nama hiko.