Ā mātou Hōtaka

Te Hōtaka Pūngao Hangarua

E whakamau ana a Kāinga Ora i ngā papa kōmaru ki ngā kāinga kua tīpakohia whakawhiti atu i te motu, hei āwhina ki te whakaheke i ngā utu hiko mō ā mātou kairēti, hei whakarite kia toitū ake ō mātou nei kāinga. E whai ana ngā whakamātautau kia mārama he aha ngā hua ki ngā kaireti a Kāinga Ora i ngā papa kōmaru, ā, ka pēhea tā mātou tuku pea i ngā hua o te pūngao hangarua ki te maha ake o ngā kairēti ā te anamata.

Mēnā he papa kōmaru o tō kāinga, rapu mōhiohio atu anō.

Te Kaupapa Whakahou a Kāinga Ora

E whakapiki ana a Kāinga Ora i te mahana, i te maroke, i te hauora hoki o ō mātou nei kāinga hei whakapiki i te oranga o ā mātou kairēti. Mā tā mātou Kaupapa Whakahou, kei te whakamohoa, kei te whakapai ake hoki mātou i ētahi o ō mātou kāinga tawhito ake hei āwhina ki te tuku i ngā wāhi tino pai ki ā mātou kairēti hei kāinga mō rātou.

Kaupapa Kāinga Hauora

He mea nui kia mahana, kia maroke, kia hauora, kia haumaru hoki tō kāinga i ngā wā katoa, kia pai tā koutou noho ko tō whānau. Ka tutuki i a mātou tēnei mā ngā ritenga tautiaki, mā te whakarite hoki kei te ū tō kāinga ki Ngā Paerewa Kāinga Hauora.

I whakaurua mai Ngā Paerewa Kāinga Hauora(external link) e te Kāwanatanga i te tau 2019 hei āwhina kia pai ake te kounga o ngā kāinga rēti katoa whai kairēti i Aotearoa. Ko ngā kāinga o Kāinga Ora, e whakahaerehia ana e Kāinga Ora me ū ki ngā paerewa iti rawa mō te whakamahana, ārai mātao, hauhau me te tuku i te haukū, me te kati i te kauanu i mua o te 1 o Hūrae 2024.

Hei whakarite ka ū tonu tō kāinga ki Ngā Paerewa, ka whakaurua ngā tirotirotanga ki ngā tirohanga nohoanga ā-tau. Ka taea hoki e koe te āwhina mā te whakamōhio mai mēnā e hiahiatia ana ngā mahi tautiaki puta noa i te tau.

Te Hōtaka Right at Home

Ko te noho i tētahi kāinga mahana, he maroke, he hauora hoki ka whakaheke pea i te tūraru o ngā mate hauora ka taea te ārai, me ngā raru arahau anō hoki.  

Ka arotahi tā mātou Hōtaka Right at Home ki te whakaheke i te tūraru o ngā mate hāngai-whare noho mō ngā tāngata me ngā whānau whakaraerae i ō mātou nei kāinga.

Ka whiwhi tono mātou ki te Hōtaka Right at Home mai i ngā ratonga e utua ana e Whatu Ora/Health New Zealand e mōhiotia ana hei ngā Healthy Homes Initiatives, ā, ka whakamātāmua mātou i ngā mahi tautiaki me ngā whakapainga ake, kei roto nei ko ngā whakahou ki te whakatutuki i ngā Paerewa Kāinga Hauora a te Kāwanatanga.

I roto pea i ngā whakapai ake ko te whakamau i te hauhau mahi mīhini ki te kāuta, ki te rūma kaukau rānei, te whakamau, te whakakapi rānei i ngā whāriki, i ngā ārai, i te ārai mātao hoki, me te whakamau i ngā puna whakamahana hou, he mea tāpiri rānei.

I mua i mōhiotia a Right at Home hei te Rheumatic Fever Prevention Programme.

Tā mātou hōtaka haumarutanga ara kuhunga

E whakaaro nui ana mātou ki te haumaru o ā mātou kairēti, ā, kei te hiahia mātou ki te mahi i ngā mahi ka taea hei ārai i tukinga i ngā tamariki nohinohi e te waka, i te whara ki a rātou i ngā ara kuhunga o ō mātou kāinga.

E arotahi ana tā mātou hōtaka haumaru ara kuhunga kua whiwhi-tohu ki te whakawehe i ngā wāhi tākaro a ngā tamariki i ngā ara kuhunga i ngā papanoho kei reira he tamariki nohinohi iti iho i te 5 te pakeke.

Tā mātou hōtaka haumarutanga ara kuhunga