Te haumaru ahi

Ngā pūoho auahi

Ka whakamaua ngā pūoho auahi ki te katoa o ō mātou kāinga mō te haumaru o ā mātou kairēti te take - i ngā wāhi noho, i te kauhanganui, i ngā karati kua āpitihia, me tētahi ki ia rūma moe. He haumaru, he whirinaki hoki ina tiakina, engari ki te whakaaro koe e raru ana tētahi pūoho auahi, whakamōhio wawe mai ki a mātou.

E tūtohu ana mātou kia whakamātau koe i ō pūoho auahi ia marama, ā, i tō hokinga mai ki te kāinga ā muri i tō noho atu ki wāhi kē anō hoki. Hei whakamātau, pāwhiritia te pātene test/reset mō tōna rua hēkona. Ka tangi te pūoho. Ina tango koe i tō mati i te pātene kua tautuhia anō, ā, ka kamokamo auau te rama.

Horoia ngā pūoho auahi ia 6 marama mā te āta paraihe ki tētahi paraihe ngote puehu.

Waea mai ki a mātou ki 0800 801 601 mēnā:

• ka mutu te kamokamo a te rama whero
• kāore he pūoho ina pēhi koe i te pātene test/reset
• ka tangi auau te pūoho auahi i tētahi tangi rerekē, ka pīpī rānei.

Mēnā ka pokanoa tō whakatangi i te pūoho auahi – hei tauira, mā te pakapaka tōhi - whakatuwheratia ngā matapihi hei hauhau i tō kāinga, me te pēhi i te pātene whakangū mēnā kei konā tētahi.

Ētahi atu aki

Kia kotahi mita i te itinga iho te tawhiti o ngā taputapu, o ngā kākahu, o ngā ārai hoki atu i ngā whakamahana, i te ahi hoki. Ka 5 rā pea te roa kia mātao ai ngā pungarehu, nō reira whakatakotoria ki roto i tētahi ipu maitai he tawhiti atu i tō kāinga. I ngā wā katoa me whakaweto tō paraikete tāhiko i te pakitara i mua i te kuhu ki tō moenga.

Ka whakakāngia ngā tini ahi e te tunu kai. Anei ētahi ara hei ārai atu i ērā:

• kaua e waiho i te kai e tunu ana ki te tō ki te kore e tiakina ana
• whakawetongia te wera mēnā e puta ana te auahi i te hinu
• kia mau i ngā ārai, i ngā tiaka tāhiko, i ngā tī tāora atu i te tō
• kia auau te tango i ngā kongakonga mai i te whakatōhi, kia auau hoki te horoi i te umu.

Anei tētahi ataata he pai ki te mōhio ka tukuna ai te mōhiohio āwhina mō ngā ara kia haumaru koutou ko tō whānau i te kāinga.

Te paetukutuku a Whakaratonga Iwi

Kei te paetukutuku a Whakaratonga Iwi ngā aki me ngā whakaaro mō te whakarite kia haumaru tonu koutou ko tō whānau, me tō koutou kāinga. Tirohia ngā rārangi arowhai haumaru ahi me ngā ataata meka ahi tere ka aro atu ki ētahi momo āhuatanga kia haumaru-ahi tonu koe.

Whakaratonga Iwi (FENZ)(external link)