Ā mātou kairēti

He mea nui ki a mātou te kounga o ō mātou kāinga me te oranga o ngā tāngata 190,000 e noho ana i roto – tata ki te 40% o ērā he tamariki, he taiohi. 

He tuhinga ā-ture tō whakaaetanga retihanga. Ka kōrerotia he aha me noho hei kawatau māu i a mātou, ā, he aha ka noho hei kawatau mā mātou i a koe.

Kei konei mātou hei tautoko i a koutou ko tō whānau i tō koutou nā kāinga nō Kāinga Ora me te aronga tūturu ki te oranga.

He wāhanga hira o te noho i tō hapori te tū hei kiritata pai. E aki ana mātou i ā mātou kairēti katoa kia tū hei kiritata pai.

Kei te hiahia mātou ki te āwhina i a koe kia ea tonu i a koe tō rēti me ētahi atu pire. I tēnei whārangi ka kitea e koe ētahi mōhiohio me ngā tohutohu whaitake. Me whakapā mai mēnā he pātai āu.

Find tips and tools to help with budgeting, saving and preparing for unexpected costs.

Te tautiaki i tō whare a Kāinga Ora, te hanga i ngā whakarerekētanga hauātanga, me ngā mea me mōhio koe ina toro atu ngā ringarehe ki tō kāinga.

I ētahi wā me whakatika tō kāinga. Tirohia he aha ka taea e mātou mōu, ā, he aha ka taea pea e koe anō.

E mōhio ana mātou he tino hoa ngā mōkai, ā, ina taea, e hiahia ana mātou kia whai wāhi koutou ko tō whānau ki ngā painga maha o te whai mōkai.

He maha ngā take me hūnuku pea koe ki tētahi atu kāinga. Kei konei mātou hei āwhina atu, nō reira waea mai ki a mātou mēnā e hiahia ana koe ki te hūnuku atu, ā, ka taea te kōrero mō ō āhuatanga, mō ō hiahia whare noho, mō ngā kōwhiringa whare noho ka wātea atu ki a koe.

Mā te whakamōhio mai ki a mātou ā muri tonu i te huringa ki ō whakaritenga noho, ki tō moni whiwhi rānei, ka taea e Kāinga Ora me Te Manatū Whakahiato Ora te whakarite kia whiwhi koe i te tautoko tino pai e wātea atu ana ki a koe.

Mēnā ka whakaaro ake koe kia taunaki mō tētahi kairēti a Kāinga Ora, me mātua whai koe i tōna whakaaetanga i mua i tā mātou āhei ki te kōrerorero i tōna āhuatanga ki a koe.

Hihiratia ā-ipurangitia tō pūkete, ō tapeke rēti, ō tono tautiaki, me ērā atu tini āhuatanga mā te whakamahi i MyKāingaOra – tā mātou taupānga mā ngā kairēti, - he tino ōrite ki MyMSD me MyIR.

Ko Close to Home ko tētahi pānui kairēti e tautokona ana e Kāinga Ora. Pānuitia mō ngā hapori pātata, mō ngā tohutaka, mō ngā aki, mō ngā tohutohu, mō te noho haumaru hoki i te kāinga.