Hoa Hoko Whare Tuatahi

He kaupapa whai kāinga ngātahi te Hoa Hoko Whare Tuatahi e whakahaerehia ana e Kāinga Ora mā ngā kaihoko whare tuatahi ka taea te utu ā rātou utu, engari he iti rawa ā rātou moni penapena, moni tāpui rānei kia whiwhi ai i te whakaae tōmua ā-pūtea mō tētahi pūtea taurewa kāinga.

Te noho hei rangatira whare tōtahi me te Hoa Hoko Whare Tuatahi

E hiahia ana mātou kia wawe tonu te ea katoa o tō kāinga i a koe i roto i te 15 tau. Ka tautokona koe e Kāinga Ora i tēnei huarahi mā tētahi Kaupapa Whakahaere Whāinga.

Te Hōtaka Whakahaere Whāinga

E wātea mai ana te Hōtaka Whakahaere Whāinga kia ū tonu koe ki te ara ki ō whāinga ki te whai whare. I roto i tērā ko ngā hui ā-tau i tō kāinga me tētahi Whakahaere Hononga a Kāinga Ora, ka mahi tahi ia ki a koe, ka āwhina hoki i a koe kia whakatutuki i ngā whāinga mō:

• te tū hei rangatira whare tōtahi (me tō whakapau kaha kia whakatutuki i tēnei i roto tonu i te 15 tau)
• te tautiaki i te whare kia ōrite tonu te āhuatanga ki tērā i te wā i hokona
• tō noho tonu i te whare i roto i te wā o te rangatiratanga ngātahi.

Me mātua tuku e koe ngā mōhiohio ki a mātou mō ngā āhuatanga pūtea o nāianei, o anamata hoki o tō kāinga tūtahi. I roto pea i tēnei ko ngā mea o nāianei mō:

• te moni whiwhi ā-kāinga
• ngā penapena
• ngā whakapaunga, ngā utunga pūtea taurewa anō rānei.

Mēnā kāore anō koe kia hoko i te hea o tō whare nō Kāinga Ora i roto tonu i te 15 tau mai i te whai whare, ka namahia tētahi utu ā-tau atu i te tau 15 hei utu i ngā utu whaitake ka pā ki a Kāinga Ora.

Te hoko i te hea nō Kāinga Ora

Ka āhei koe ki te kōwhiri i ngā hea a Kāinga Ora kia pēnei:

1. te utu kotahi mō te tapeke katoa; tērā rānei
2. ki ngā utunga takitahi he paku ake ka whakatutuki tēnā me tēnā i te nuinga hokotanga mōkito (hei tauira, te $1,000).

Ka kōwhiri pea koe ki te whakamahi i ō moni penapena, te whakatakoto whāinga rānei mā tō Kaiwhakahaere Hononga hei hoko hea i ia tau.

Ko te rahinga e hiahiatia ana hei utu māu ka whakaritea mā te wāriu o te kāinga i te wā i hokona mai. Nā konei, mēnā kua piki ake te wāriu o te papanoho mā te 10% mai i tō hoko tuatahi i tēnā, ka nui ake te utu mō te hoko i te hea o te kāinga nō Kāinga Ora mā te 10%. Takiuru ki tō tomokanga tukutuku Hoa Hoko Whare Tuatahi(external link) hei tuku i tētahi tono hoko hea.

Oti ana tō hoko katoa i te hea nō Kāinga Ora, kua tū koe hei rangatira whare tōtahi.

Te whakahou, te whakawhānui rānei i tō kāinga

Me tono whakaae tōmua koe i a Kāinga Ora ki te hiahia koe ki te whakamahi i ngā whakahounga, i ngā whakapai ake rānei, mō te roanga o te wā e noho tonu ana mātou hei rangatira-ngātahi o te whare. Kei roto i tēnei ko ngā whakapaitanga kua kitea e te āta rangahau me te hātepe whakatārewa mahi tautiaki i mua i te hokotanga. Tirohia te hātepe whakahou i roto i te Whakaaetanga Rangatiratanga Ngātahi.

Takiuru ki tō tomokanga tukutuku Hoa Hoko Whare Tuatahi(external link) hei tuku i tētahi tono whakahou, te pūrongo tūkinotanga rānei.

Te rēti i tō kāinga

Ko te tikanga me noho koe ki tō kāinga hei kāinga noho matua mōu, ā, e puritia ana e Kāinga Ora he hea i roto i te whare.

Ētahi atu pūtea taurewa

Kei te hiahia mātou kia whai koe i tō whare hei te wā tino tata ka taea ā-pūtea e koe i roto tonu i te 15 tau tuatahi o te whai whare. Hei hoa rangatira o tō whare, he mea nui kia mōhio a Kāinga Ora ki ētahi atu pūtea taurewa, ki te nui ake ngā nama ka pā pea ki tō kaha ki te utu haere i te wāhanga kei a Kāinga Ora.

Me rapu tohutohu pūtea koe i mua i tō whakauru atu ki ētahi pūtea taurewa atu anō. Mēnā ka kī tō kaitohutohu pūtea ka ea tonu i a koe he pūtea taurewa atu anō, tēnā tukua anō he 'tono pūtea taurewa anō' me āna whakaaturanga tautoko. Ka taea tēnei tono te takiuru ki tō tomokanga tukutuku Hoa Hoko Whare Tuatahi(external link).

Te hoko atu i te whare

Kua hoahoatia a Hoa Hoko Whare Tuatahi ki te āwhina i a koe kia tū hei rangatira whare tōtahi, heoi i roto i te wā o te rangatiratanga ngātahi ka hiahia pea koe ki te hoko atu i tō whare, me mātua hoko atu rānei i runga i:

• te panoni i ō āhuatanga whaiaro (hei tauira, he panoni i te whai mahi)
• te rerekē o ō āhuatanga pūtea
• tō kore āhei ki te hoko i te hea kei a Kāinga Ora.

Mā tō Kaiwhakahaere Kāinga Ora koe e kōrero mō tōu ake āhuatanga. Takiuru ki tō tomokanga tukutuku Hoa Hoko Whare Tuatahi(external link) hei tuku i tētahi tono hoko whare.

Mēnā ka hokona atu te whare i te wā he rangatira ngātahi tonu a Kāinga Ora, ka whakawehea ngā moni hua i te hokonga mā te hautanga o te hea e puritia ana e ia rōpū. Hei tauira, mēnā nō Kāinga Ora tonu te 10% o te papanoho, ā, ka hokona atu mō te $800,000, e tika ana kia whiwhi mātou i te $80,000 mai i te hokotanga.

Ngā rauemi me ngā tuhinga ā-ture

• He tauira Whakaaetanga Rangatiratanga Ngātahi [PDF, 1.5 MB]
• He aratohu ki te Whakaaetanga Rangatiratanga Ngātahi [PDF, 55 KB]

Tē taea te kite i tāu e kimi nā?

E wātea ana te rōpū hei tautoko ake mai i te 9 i te ata ki te 5 i te ahiahi, Mane ki te Paraire.

• waea mai ki a mātou ki 0508 935 266
• Takiuru ki tō tomokanga tukutuku Hoa Hoko Whare Tuatahi(external link)