Te Kaupapa Paetahi a Kāinga Ora

Mēnā e ngākau nui ana koe ki te rāngai whare noho, ka mutu kei te kaingākau koe ki ngā kōwhiringa whare noho mō ngā tāngata katoa o Aotearoa, ko Kāinga Ora pea te wāhi pai mōu ki te tīmata i tō aramahi.

I hangaia te kaupapa whanaketanga paetahi 18 marama hei whakapakari ō kaha i roto i tētahi o ngā ara e toru o te Hangatanga me te Auahatanga (C&I), te Hanga Mahere me te Hoahoa ā-Tāone (UPD), Hangarau rānei. E whakarato ana te kaupapa i tētahi wāhi akoranga ā-ringa e whiwhi wheako ai koe nō te ao tūturu i roto i ngā kaupapa whaikiko ka whai pānga ki ngā pūtea pai ake mō ngā tāngata o Aotearoa, ā, ka tuku i tētahi tūāpapa kaha mō tētahi aramahi angitu me Kāinga Ora me tua atu. Mai i te rā tuatahi ka whakauru atu koe ki ngā mahi tūturu me ōna whakaratonga me ōna kawenga whaitake. Ka mahi tahi koe i te taha o ngā kaiārahi ahumahi mō ngā kaupapa tohu nui ka āwhina kia pai ake ai a Aotearoa.

Te Take ko Mātou

I Kāinga Ora, kei a mātou te mana mō te takahuri i ngā kōwhiringa whare noho, ngā putanga me te rāngai whare noho whānui mā te hanga kāinga, hapori hoki e momoho ai ngā tangata katoa o Aotearoa. He whai wāhitanga whakaongaonga te mahi mā Kāinga Ora kia tūturu, kia pai hoki te pānga ki ngā ao o ngā tāngata o Aotearoa. Mā ngā pūkenga, te hanga mahere me ngā mahi whai take, kei te hangaia e ā mātou tāngata ngā kāinga me ngā takiwā noho ka hanga i te anamata o Aotearoa.

Mā tētahi arotahi whanaketanga ā-tāone hou, ka mahi ngātahi a Kāinga Ora ki te whakarato i ngā whanaketanga ā-tāone whai kounga e tūhono ana i ngā kāinga ki ngā mahi, te tūnuku, ngā wāhi mārakerake me ngā whakanōhanga mō ngā hiahia o ngā hapori. Kei roto i tēnei ko te whakahohoro ake i te wāteatanga o ngā whenua kua rite mō te hanga whare, me te hanga i ngā whare noho rerekē tika tae atu ki ngā whare noho tūmatanui, utu ngāwari, mākete tuwhera, me ngā kāinga mō ngā kaihoko whare tuatahi he rerekē te momo, te rahi me te wā.

E kaingākau ana mātou ki te takahuri i a Aotearoa kia pai ake. Kei roto i tēnei ko tētahi hoa mahi ngātahi pono mō te Māori me ngā iwi, te tiaki me te whakamana i ō rātou tika, pānga, wawata hoki i raro i ngā tohutohu a Te Tiriti o Waitangi.

Ngā painga o te kaupapa

He taiao tautoko
Ko te Manaakitanga (te hātepe o te manaaki, te ngākau atawhai me te tiaki i tētahi atu) te iho o tā mātou kaupapa, ā, e whiwhi tautoko ana ā mātou kiriwhakapōtae mai i tētahi Kaiako Mahi, Kaiakopono me te Hoa.

Akoranga Pūmau
He kaupapa akoranga raupapa i hoahoatia hei whakatere ake i te tipuranga whaiaro me te ngaio.

Ngā Hurihanga
Kaupapa hurihanga i waenga rōpū. Ka uru ngā kiriwhakapōtae ki ngā mahi tūturu me ngā whakaratonga me ngā kawenga whaitake ka whakapai ake i te ao o ngā tāngata o Aotearoa.

Tūranga Tūturu
Ka tīmata ngā Kiriwhakapōtae katoa a Kāinga hei kaimahi tūturu, ā, i te putanga o ō rātou ihu i te kaupapa ka uru ki tētahi tūranga tūturu e hāngai ana ki ngā wāhanga o te whakahaere i mahi rātou.

Ngā Whakaritenga Tono

Mēnā ka whakautu 'āe' koe ki tētahi o ēnei tauākī, e āhei ana koe ki te tono ki tā mātou kaupapa paetahi:

• He Kirirarau nō Aotearoa ahau, he Kainoho Tūturu nō Aotearoa, he Kainoho rānei
• He Tohu Paetahi hāngai tōku, ā, ka oti rānei tōku Tohu i mua o te tīmatanga o te Kaupapa Paetahi hei te Pepuere 2024. Tirohia te rarangi o ngā momo tohu e manakohia ana. [PDF, 30 KB]
• E wātea ana ahau ki te tīmata i te kaupapa Paetahi hei te Pepuere 2024.
• Ka taea e au te noho i Tāmaki Makaurau mō te roanga o te Kaupapa Paetahi 18 marama.

Hātepe Tīpako

E 4 ngā wāhanga ki tā mātou hātepe tīpakonga. Ka neke atu koe ki te wāhanga whanake mēnā ka ū koe ki ngā whakaritenga āheitanga. Ko ngā wāhanga tīpakonga ko:

Ō mātou rōpū e whakauru ana ki te Kaupapa Paetahi

Te whakamahi i te tauira ako ko te nuinga o ngā akoranga ka ahu mai i te mahi, ka kitea e koe te wāhi mōu i tētahi o ngā ara e whai ake: