He wāhi pai ki te mahi

He hira ngā mahi a Kāinga Ora, ka mutu he nui ngā mātou wawata. Mā te mahi ngātahi anake, kia ikeike tonu, ka tutuki ā mātou whāinga, ki tā mātou matakitenga tiritiri.

E whakapono ana mātou ka whakapau kaha te tangata i roto i tētahi taiao pono, manaaki, tautoko, whakaiti me te ako. Kei runga noa atu ā mātou mahi ina kawea e tēnā, e tēnā tā mātou matakitenga me te mau tonu ki tētahi taiao mahi e ngākau whakahī ana mātou. Ko tō mātou taiao mahi te tūāpapa e angitu ai te whakahaere.

Ngā painga kaimahi

Hei kaimahi Kāinga Ora, ka mātua whakarite mātou kei a koe katoa ngā āhuatanga me ngā tautoko e hiahiatia ana hei āwhina kia tutuki ā mātou whāinga.

He wāhi mahi tō mātou kikī i ngā tūmomo mahi rerekē kia nui ai te whakaputa i ngā mahi, ka mutu e whakatenatenahia ana te tangata kia whaikiko tā rātou mahi tahi i te tari.

Ko tā mātou e whakarite ana kia hauora koe, kia taurite tō ao mahi-ora, ka mutu me te tautoko me te whakatipu i tō whanaketanga whaiaro, aramahi hoki mā te ako i te mahi, ngā akoranga whakangungu, ngā whakawhitinga mahi me ngā arawātea ako.

He tūmomo Painga rerekē ā mātou pērā i te:

Mahi ā-Mahinga (ABW) - ka āhei ki te nekeneke i tētahi tari e taea ai e koe te whakarite āu ake mahi – te nekeneke i waenga i ngā tūmomo wāhi mahi hei tautoko i a koe kia tino whaihua koe e ai ki ngā mahi. Ko te ABW te āhuatanga i te nuinga o ā mātou tari puta noa i te motu. Pāwhiri i konei mō ngā kōrero mō te ABW i Kāinga Ora.

Whakamatuatanga ā-tau - ka āhei koe ki te 5 wiki whakamatuatanga ā-tau i te tau.

Ngā Arawātea Whanaketanga Aramahi - E whakaratoa ana e mātou ngā tūmomo kōwhiringa whakangungu me te ako ā-roto/ā-waho, me te aha e āhei ana ki te whakamatuatanga ako mēnā e ū ana koe ki ngā whakaritenga. Ka mutu, ka āwhina mātou me te whakatenatena i a koe i roto i tō huarahi me te whakatipu i tō whanaketanga aramahi i Kāinga Ora me ētahi atu arawātea whanaketanga.

Kaupapa Āwhina Kaimahi (EAP) - Ka āhei atu koe ki tā mātou EAP koreutu me te matatapu, he tuku ratonga tohutohu/tohuora motuhake hei āwhina i a koe ki te whakarite i ngā raru whaiaro me te mahi.

Ngā Whakamātautau Karu me ngā Whakamau Karu - E whakarato ana mātou i ngā whakamātautau kite ā-tau koreutu me ngā whakamau karu hekeutu mō ngā kaimahi e āhei ana.

Ngā Haora Mahi Ngāwari - E mārama ana mātou ka mate pea koe ki te mahi i waho o ngā haora mahi noa o te 8.00 am ki te 5.00 pm o te wiki mahi kia eke i a koe ō koutou hiahia ko tō whānau. E tuwhera ana mātou ki te whakariterite i tētahi whakaritenga mahi e ū ana ki ō hiahia kia taurite ai tō ao mahi/noho, (kei tōu ake āhuatanga).

Ngā Inihua Hauora - Whakarato ai mātou i ngā momo inihua mā ngā kaimahi e āhei ana, pērā i te Inihua Ora, Whētuki me te Tiaki Moni Whiwhi. Me te aha, ka āhei ngā kaimahi tūturu ki te hono ki te Inihua Hauora a UniMed me tā mātou utu i te inihua hauora taketake mōu, me te kōwhiringa hoki o ngā utu hekeutu mō te inihua whānui ake mō koutou ko tō whānau.

Whakamatuatanga Mahi Wā Roa - E whakarato ana mātou i te whakamatuatanga mahi wā roa ki ā mātou kaimahi tututuru me te harangotengote e ai ki ā rātou whakaaetanga mahi me tā mātou kaupapahere Whakaaetanga Mahi Wā Roa.

Whakamatuatanga Mātua - I tua atu i te kaupapa whakamatuatanga mātua whaiutu a te Kāwanatanga, e utu ana mātou i te whakamatuatanga mātua ki tētahi kaimahi tūturu e āhei ana. Ka tāpiri atu tēnei i te pūtea i te utu whakamatuatanga mātua a te Kāwanatanga ki tō utu noa mō te ono wiki.

Whakamatuatanga Māuiui - Mai i te rā tuatahi, e āhei ana te kaimahi e āhei ana ki te 15 rā whakamatuatanga māuiui me tētahi 15 rā atu anō ina pau te tekau mā rua marama motukore o tana mahi.