Tā mātou aronga ki te nama rēti

E aro ana tā mātou kaupapa mō te whakahaere nama rēti ki te āwhina i ngā kaireti kia kore ai e tino tōmuri me tā rātou utu rēti. Ki te tāhapa i te kaireti he utunga rēti, ka wawe tā mātou whakapā atu ki a ia kia mārama ai he aha i tāhapa ai, ā, kia tīmata hoki te utu rēti anō. Me mātua utu ngā utu tāhapa, ā, ka taea e mātou te whakauru tētahi whakaritenga utu anō tōtika mēnā e hiahiatia ana.

E tautoko ana mātou i ngā whānau ka pā ki ngā uauatanga engari kei te whakapau kaha rātou ki te utu haere tonu i tā rātou rēti. He kairetiwhare noho pāpori mātou nō reira koinā te mea tika.

Engari ehara i te mea ka tatari mō ake tonu.

Kei te āhua mārō mātou me ngā kaireti tokoiti kāore i te tutuki i a rātou ō rātou herenga ki te whakaiti i tā rātou nama rēti, kāore i te ea ā rātou utunga rēti, kāore rānei i te mahi tahi me mātou.

Ki te pēnei, ka tahuri mātou ki te whakamutu i te retihanga.

Ko tā mātou aronga he whakarite kia kaua e neke atu i te 12 wiki te nui o te nama rēti ina whakamutua ā rātou retihanga kia kore ai e nui ngā nama ā muri ake.

Arā, ka tīmataria ngā mahi kia moata ake te whakamutu retihanga tēnā i mua.

Kaupapahere Nama Rēti POL-399 [PDF, 911 KB]

Wāhanga whakaiti nama rēti

He tokoiti ngā tāngata he tino nui tā rātou nama reti, ka mutu i āwhina mātou i ētahi o rātou kia tere te whakaiti i te nui ki tētahi rahinga ka taea e rātou te utu katoa.

I tukuna anake ēnei tautoko ki ngā kaireti 12 wiki te nui o te nama rēti i te tīmatanga o Pepuere 2025, ka mutu i te utu haere i tā rātou rēti me ngā utunga tōtika hei whakaiti i tā rātou nama.

Ko te utu, me utu haere tonu ngā kaireti i ā rātou nama me te utu i te katoa o tā rātou rēti i te wā tika. Ki te kore, ka tahuri mātou ki te whakamutu i tā rātou retihanga.

Ngā tino pātai

• Tikiake i te katoa o Ngā Tino Pātai [PDF, 142 KB]
• Pānuitia Ngā Tino Pātai o te hunga pāpāho