Tā mātou aronga ki ngā whanonga whakararuraru
E pūmau ana mātou kia pai mātou hei kairetiwhare. Kei roto i tēnei kia taurite i waenga i ō mātou kawenga ki ā mātou kaireti – he uauatanga tonu mō ētahi – me te whakarite kei te pai ētahi atu i roto i te hapori.
He mea hanga tā mātou aronga kia taurite ai, e aro ana kia tika engari kia pūmau. Kia whakamahia e mātou te Residential Tenancies Act (RTA) kia tōmua, kia auau hoki te akiaki i ngā kaireti kia tika ngā mahi, kia kaua hoki e kino ngā mahi. Ki te kore e rerekē ake tō rātou whanonga, ka whakakorehia e mātou ngā retihanga mēnā e hiahiatia ana.
Ka rapu mātou kia mārama ai he aha i kino ai ngā mahi me te tono i ngā kaireti ki ngā ratonga pāpori me te hauora mātanga hei whakatika i ngā raruraru ake – mēnā hoki ka whakaae te kaireti. Ko te neke tūao tētahi atu tikanga hei āwhina ki te whakatau kei te aha.
Kei a mātou tētahi tikanga mō ngā āhuatanga ka raru te haumaru i ngā mahi a te kaireti, he whakararuraru me te tohetohe rānei, ā, kāore e aro ake ki ā mātou whakatūpato. I ēnei āhuatanga, ka tono mātou ki te Taraipiunara Retihanga kia whakakorehia te retihanga.
E aro ana tā mātou aronga ki ngā mahi whakararuraru tino taumaha. He iti noa te nuinga o ngā raru e whakapā mai ana te tangata arā ko aua raru noa i waenga i ngā kiritata puta noa i te motu, pērā i te turituri o ngā motukā, kāore i te topea auautia ngā otaota, te nui rānei o te hāereere ake o ngā manuhiri ki tētahi kāinga. Ka whakaritea e mātou ēnei momo māharahara puta noa i ā mātou whakahaere onāianei.
He mea nui kia maumahara ko te nuinga o ā mātou kaireti kei te pai noa iho rātou, he ngākau mahara, ā, he whakaaronui ki ō rātou kiritata o reira.
Kaupapa Whanonga Whakararuraru POL-355 [PDF, 796 KB]
Te whakawhitiwhiti kōrero ki ngā kaireti
E mārama ana mātou ka raru tō rātou retihanga i ngā whanonga tino whakararuraru, ā, ko tā mātou e hiahia ana kia rerekē ō rātou whanonga. Ki te kore, ka whakakorehia e mātou tō rātou retihanga.
He mea nui kia tōkeke tā mātou whai, nō reira ina whiwhi amuamu mātou, ka kohia e mātou ngā whakaaturanga kia mārama pai ai mātou i aha.
Mai i reira kei te āhua kē o ngā āhuatanga, ā, ko te whakamahi pea i ngā tikanga e wātea ana ki a mātou i raro i te RTA. Mā ēnei tikanga ka mārama te whakatūpato a ngā kairetiwhare kāore i te pai te whanonga o te kaireti, ā, me rerekē tō rātou whanonga – me te aha e whakamahia ana e mātou ēnei kia mātua mōhio, kia ū hoki ngā kaireti ki ō rātou here. Ina whakamahi i te RTA, kei reira te hātepe hei mātua whai mā ngā kairetiwhare, ā, ahakoa he roa pea tēnei, me mātua whai mātou i te hātepe tika.
Anga Whakahaere Retihanga
Mā te Anga Whakahaere Retihanga ka puta te taurite i waenga i tā mātou tūnga hei kairetiwhare, i ngā here kei ā mātou kaireti, me te tika o te hunga kei te hapori kia noho pai rātou. Ka whakamōhio tēnei i tā mātou aronga mō ngā tūmomo raru retihanga, pērā i ngā utu rēti tōmuri, ngā whanonga whakararuraru me te whakahaere mōkai.
Anga Whakahaere Retihanga POL-358 [PDF, 601 KB]
Te whakamahi tikanga hei whakahaere i ngā whanonga whakararuraru
Ka kakama tonu mātou ki te rapu i te kōrero whānui i aha hei āwhina ki te whakatau i te take. Ko ā mātou mahi kei te āhua o ngā āhuatanga, ā, e aro ana mātou ki te whakarite i tētahi putanga tika.
Mēnā ka kite mātou kua takahia e tētahi kaireti ōna here e ai ki te Residential Tenancies Act (RTA), ka whakamahia e mātou ēnei tikanga e whai ake kia mārama ai kāore i te pai aua mahi:
|
Action taken |
Description |
October 2025 |
Financial year to date (2025/2026) |
|---|---|---|---|
|
Section 55A notices issued |
We can make it clear to tenants that their behaviour is unacceptable, and their tenancy is at risk by issuing a Section 55A notice. If a tenant receives three Section 55A notices within a 90-day period, then we will apply to the Tenancy Tribunal to end their tenancy. |
182 |
610 |
|
Agreed relocations |
If tenants are willing, Kāinga Ora can work with them to relocate them to a new home. Most tenants take moving to a new home as an opportunity for a fresh start and do not cause further issues. |
5 |
29 |
|
Tenancy terminations by order of Tribunal (s55, s55A, s55AA, s56 notices) |
In severe, threatening or persistent cases we will seek termination at the Tenancy Tribunal and will not provide the tenant with another Kāinga Ora home. This figure includes situations where a tenancy has been terminated after we have issued the tenant with three section 55A notices within 90 days. |
3 |
11 |
Kua whakahoungia te whārangi: 25 Whiringa-ā-rangi 2025