Te utu i tō reti

Te utu reti

Ko tā mātou e tūmanako ana kia utua katoatia e ngā kaireti katoa a Kāinga Ora ā rātou rēti i te wā tika.

Kua whakarerekēhia e mātou tā mātou whakahaere i ngā nama rēti hei āwhina i ngā kaireti kia kore ai e nui rawa te nama.

Ka kakama ake mātou i ngā wā kāore e utua te reti, ā, ka tautoko mātou i ngā kaireti kia wawe tā rātou utu i ā rātou nama reti.

Ka mārō hoki mātou ina tāhapa ngā utunga a ngā kaireti, kāore i te aro atu ki ā rātou nama reti, te kore mahi tahi me mātou rānei.

He mea nui kia mōhio ki te pērā, ka tahuri mātou ki te whakamutu i ngā retihanga, ka mutu he tere ake mātou ināianei tēnā i mua.

Pānuitia tā mātou aronga ki te nama reti.

Te utu haere i tō reti [PDF, 48 KB]

Mēnā kei te uaua te utu i tō reti

E mōhio ana mātou ehara i te mea māmā te utu rēti i ngā wā katoa, otirā ki te tūpono pā mai he raruraru.

Mēnā kei te uaua tō utu i tō reti, ka tahuri mātou ki te whakarite kei te whiwhi koe i ngā tautoko tika kia ea anō i a koe tō reti. Ka taea hoki te tono i a koe ki ngā tautoko mātanga mēnā e hiahiatia ana – mēnā ka whakaae koe rānei.

Mēnā kei te uaua ki a koe tō utu reti, he mea nui kia wawe tonu tō whakapā atu ki tō Kaiwhakahaere Tautoko Whare Noho i 0800 801 601 kia kore ai noho mōrea tō retihanga.