/ Tupe gafataulimaina

Tupe gafataulimaina

Lagolagoina le soifua manuia o Tagatanuu Niu Sila, e aofia ai le faatumauina ma le faatuputeleina o le soifua manuia i soo se augatupulaga, ma o se tasi o faamoemoega autu o taumafai i ai le Kāinga Ora.

O aso uma e taumafai ai Kāinga Ora e saunia fale mo tagata lautele ma fai se sao i le soifua manuia o tagata o faaaogaina auaunaga o soifua ma ola i fale ua saunia e le faalapotopotoga. E saunia fale e mafanafana, matū ma saogalemu i le nofo, faapea foi le fesoasoani ia maua le nofo lelei i fale, e tausisia ai le mamalu ma le ola mautu, i se vaipanoa e fesootai lelei ai tagata ma mea faitele.

E ono taunuuga e faamatalaina ai tulaga manuia o galuega fai a le faalapotopotoga:

Soifua manuia o tagata o faaaogaina auaunaga	Uluola le motu o tagata
Faanaunautaiga o tagata Māori	Suiga o faiga faavae
Siosiomaga manuia	Mauaina o fale

Na saunia e Kāinga Ora le Wellbeing Bonds e faatupe ai le faataunuu o faamoemoega autu, e auala atu i meafai e gafatia ona faatino, ma e taulai i poloketi e patino i le atinaega o fale ma taulaga. E faasino Wellbeing Bonds o se metotia e faaaoga ai tupe maua ua faavasega i lalo o le Kāinga Ora Auivi Tulaga Tau Tupe Gafataulimaina.

Auivi Tulaga Tau Tupe Gafataulimaina

O le auga tonu o le Auivi le faatutusa o folafolaga i le itu tau agafesootai ma le siosiomaga ma faatulagana faavaomalo o feagaiga tau tupe gafataulimaina.

E faamatala i le Auivi auala o le a faatupe ai e Kāinga Ora poloketi ma tupe faaalu e auala atu i Wellbeing Bonds.

Ua faatulaga vaitaimi e patino ai ona toe faafou le auivi ia talafeagai ma suiga i tulaga tau tupe e gafatia i faiga faamaketi.

Lipoti Aafiaga Tau Tupe Gafataulimaina

O le auga tonu o le Lipoti o Aafiaga le faamanino i tagata fai feagaiga tau tupe ma isi paaga o aiaina tulaga nei, auala o faaaoga ai tupe maua mai feagaiga tau tupe ma aafiaga, e tusa ai ma feagaiga tau tupe na faavae ai e le ICMA mo tulaga e manuia ai le itu tau agafesootai ma le siosiomaga.

O lo o folasia foi i le lipoti se vaaiga lautele o taumafaiga i tulaga gafataulimaina, aemaise lava i suiga fou ua aliae mai i taumafaiga nei. Matou te saunia lipoti i aafiaga o taumafaiga i le itu tau agafesootai, tamaoaiga ma le siosiomaga faapea aafiaga, e pei ona faamatalaina i suesuega patino.

O tausaga uma e faasalalau ai se lipoti o Aafiaga o tupe maua mai feagaiga tau tupe i le vaitaimi tonu na faia ai.

Lipoti talu ai

Faafitiga

Na saunia e le Kāinga Ora - Homes and Communities faamatalaga tusia i le itulau tafailagi lenei mo le silafia ma le malamalama i mataupu. O puipuiga ua ta‘ua ma saunia i le itulau tafailagi lenei, e lē faia mo soo se tagata o maua le itulau tafailagi lenei mai fafo atu ma Niu Sila, tau lava o le tausisia o soo se tulafono tau puipuiga po o tulafono faatonutonu. O puipuiga ua ta‘ua ma saunia i le itulau tafailagi lenei mo soo se tagata i totonu o Niu Sila, na o kamupani siiatoa faafaigaluegaina e faia i ai ma e tusa ai ma le Financial Markets Conduct Act 2013 (FMCA).

E ioeina ma taliaina e i latou o faaaogaina le itulau tafailagi lenei le tausisia o soo se tulafono tau puipuiga po o tulafono faatonutonu talafeagai (e aofia ai, aunoa ma se faatapulaa, le FMCA).

Uma na faafou le itulau: 14 November 2023