/ Pūtea toitū

Pūtea toitū

Ko te tautoko i te oranga o ngā tāngata katoa o Aotearoa, tae atu ki te toitū me te whakatipu i te oranga tuku iho, te mea hira ki te kaupapa o Kāinga Ora.

I ia rā, ka mahi a Kāinga Ora ki te whakarato whare noho tūmatanui me te tautoko ki te oranga o ngā kiritaki e noho ana i ō mātou kāinga. E whakarato ana mātou i ngā kāinga haumaru, maroke me te haumaru, engari ka mahi tahi anō mātou me ā mātou kiritaki hei āwhina i a rātou kia pai te noho i ō mātou kāinga, kia tū rangatira, kia pūmau, i roto i ngā hapori honohono.

Ka taea te whakamārama i tō mātou angitu mā ngā putanga e ono:

Oranga kiritaki	Ngā hapori momoho
Ngā wawata o te Māori	Takahuri i te pūnaha
Oranga taiao	Āhei ki te whare noho

Hei whakatutuki i ēnei putanga, kua whakaarahia e Kāinga Ora ngā Monihere Oranga hei utu i ngā kōpaki e āhei ana ki ngā mahinga toitū, e aro ana ki te whakarato i ngā kaupapa whare noho me te whanaketanga ā-tāone. He tuhinga whakamahinga pūtea Ngā Monihere Oranga ka taka ki raro i te Anga Pūtea Toitū a Kāinga Ora.

Anga Pūtea Toitū

Ko te kaupapa o te Anga he whakahāngai i ō mātou paiherenga pāpori me te taiao ki ngā paerewa monihere toitū o te ao.

E whakamārama ana te Anga i pēhea te utu a Kāinga Ora i ngā kaupapa me ngā whakapaunga puta noa i Ngā Monihere Oranga.

Ka whakahoutia te anga i roto i te wā i te whanake haere o te mākete pūtea toitū.

Pūrongo Pānga Pūtea Toitū

Ko te kaupapa o te Pūrongo Pānga he whakatuwhera atu ki ngā kaipupuri monihere me ētahi atu hunga whai pānga he pēhea te whakamahi i ā mātou pūtea monihere me ngā pānga o ēnei, e ai ki ngā whakaritenga mō ngā monihere kākāriki, pāpori, me te toitū i whakatūria e te ICMA.

Me kī, ka hōpara te pūrongo i tā mātou hīkoi toitū, e arotahi ana ki ngā whanaketanga o nā tata nei i tēnei wāhi. Ka pūrongo mātou mō ā mātou inenga pānga tae atu ki ngā pānga ine kounga atu anō, e whakaahuatia ana mā ngā rangahautanga.

Ka tukuna e mātou he pūrongo Pānga i ia tau mō ngā pūtea monihere ka hua mai i roto i taua wā.

Ngā pūrongo o mua

Whakakape

He mea tuku ngā mōhiohio kei tēnei whārangitukutuku e Kāinga Ora mō ngā kaupapa mōhiohio anake. Ki te whānuitanga e kōrerohia ana e tēnei whārangitukutuku mō tētahi tukunga huarawa taurangi, kāore he tukunga ki tētahi e toro ana ki tēnei whārangitukutuku i waho o Aotearoa, ā, i tua atu i te tū ki ngā ture huarawa taurangi hāngai, ngā waeture rānei. Ki te whānuitanga e kōrerohia ana e tēnei whārangitukutuku mō ngā huarawa taurangi ki tētahi tangata i Aotearoa, ka tukuna anake taua tukunga ki ngā kaihaumi hokorau, ā, e ai ki te Financial Markets Conduct Act 2013 (FMCA).

E mōhio ana ngā kaiwhakamahi e toro ana i tēnei whārangi me te whakaae ka ū rātou ki ngā ture huarawa taurangi hāngai, waeture rānei (tae atu ki te FMCA).

Kua whakahoungia te whārangi: 14 Whiringa-ā-rangi 2023