3. Te rapu
Tūhuratia ngā mea katoa me mōhio koe mō te kimi whare me te whiwhi i ngā utauta kia kitea ai e koe te kāinga e tika ana mōu.
I tēnei mahi, ka whakaaturia e mātou he aha ngā mea me tirotiro ina haere koe ki tētahi kāinga tuwhera me te āwhina i a koe kia rite ai ki te tuku tono.
Kua tae ki te wā kia rapua tō kāinga hou!
Me whakawhāiti mai i ō hiahia me te tō rapu kia hāngai ki tō pūtea mā te whiriwhiri i ēnei momo pātai:
- e hia ngā rūma moe, rūma horoi me ngā wāhi tūnga waka e hiahia ana koe?
- he pēhea te hira o ngā mea pērā i te māra, te karāti, ētahi atu āhuatanga papanoho rānei?
- e hia te tata ki ngā mea pērā i te mahi, te tūmatanui, ngā toa, ngā pāka, ngā ratonga hauora, ētahi atu ratonga ora?
- he aha ō hiahia tomopai, i te kāinga me te nekeneke haere i tō hapori?
-
he mate anō ōu, ō tō whānau rānei ka whai pānga ki ō hiahia i tētahi kāinga?
-
kei te kimi koe i tētahi whare, kei te hiahia rānei koe ki te hoko whenua, te hanga rānei ki runga whenua Māori?
Ka taea e koe te whakamahi te tātauira Te kimi i te whare tika [PDF, 149 KB] mōu hei tuhituhi kōrero mō ēnei āhuatanga hira.
Ngā utauta rapu whare
Mō ngā kaupapa whanaketanga nunui a Kāinga Ora:
Ko te ārahi a Kāinga Ora i ngā kaupapa whanaketanga nunui e ono i Tāmaki Makaurau me tētahi i Te Kauwhata, i Waikato. Ka kitea e koe ētahi atu mōhiohio mō ngā whare e wātea ana mō te hoko i ēnei whanaketanga katoa mā te haere ki ngā paetukutuku i raro, mā te tirotiro rānei i ā mātou Pokapū Mōhiohio.
Hobsonville Point(external link)
Te kokonga o Launch Road me Bomb Point Drive, tūnga waka kirikiri, Wenerei ki te Rātapu, 10am - 4pm.
Whanaketanga o Northcote(external link)
Tūnga waka i Northcote Town Centre, Tāite ki te Rāhoroi, 10am - 4pm
Whanaketanga o Roskill(external link)
Roskill South Info Cube – 142 May Road, Wenerei ki te Rāhoroi, 10am - 4pm
Ōwairaka Info Cube – 80 Hendon Ave, Tāite me te Rāhoroi, 10am - 4pm
Te Whanaketanga o Oranga(external link)
34 Oranga Ave, Wenerei ki te Rāhoroi, 10am - 4pm
Whanaketanga o Māngere(external link)
12 Waddon Place, Wenerei ki te Rāhoroi, 10am - 4pm
Whanaketanga o Lakeside(external link)
Lakeside Village Centre, kokonga o Scott Road me Rimu Street, Tāite ki te Rātapu, 10am - 4pm
Mō ngā rārangi o ngā momo papanoho katoa:
Mō ngā wāriu whakatau tata o ngā papanoho me ngā kōrero tika mō tētahi whare, tōna wāhi, me ngā hītori hokonga:
Ina rapu ana koe i tētahi whare, ka kitea e koe ngā momo ariki whenua rerekē. Mā tō rōia, tō mātanga whakawhiti rānei koe e tohutohu ki ngā rerekētanga, ā, he aha te tikanga ki a koe.
E rima ngā momo ariki whenua matua i Aotearoa:
- Pānga motuhake, herekore rānei - Nōu te whenua, me te whakamahi here kore i te whenua me te whakatū hanganga ki runga, hāunga mēnā he pānga rēhita, kore rēhita rānei e rāhui ana i te whakamahi i te papanoho.
- Rīhi - Ina rīhitia e tētahi rangatira tōna whenua kia whakamahia e tētahi atu (te noho, te hanga rānei) mō tētahi wā whāiti.
- Whakaritenga whare whaitua, taitara wharenoho rānei - He momo tikanga noa tēnei o te whai whaitua noho, ngā whare rānei he maha ōna rangatira. Nōu tōu ake wharenoho me ngā mea o roto, ā, ko ngā wāhi tūmatanui nō te katoa (pērā i ngā roro, ararewa, ngā māra, me ngā whare horoi kākahu).
- Rīhi-whakawhiti - He pānga motuhake me te herekore. Kei raro i tētahi whakaaetanga rīhi-whakawhiti, ā, nōu:
- he wāhanga o te taitara herekore i te taha o ētahi atu kairīhi-whakawhiti
- he pānga kairīhi ki taua wāhi me te whare e noho ana koe.
- Kei roto i te whakaaetanga rīhi whakawhiti ngā tika me ngā here o ia ariki whenua.
- Whenua Māori - Ko te whenua Māori kei raro i Te Ture Whenua Māori 1993, ka taea te noho i raro tarahiti, e tētahi kaporeihana Māori, e tētahi ariki whenua kotahi, he rōpū ariki whenua rānei.
Kei te hoko mai i ngā mahere?
I konei ka whakaae koe ki te hoko whare i mua i te otinga o te hangatanga. Ka kite koe i te āhua o te whare ake mai i ngā mahere hoahoa whare, ngā mahere rānei, ā, ka arotake i tētahi rārangi whānui o ngā whakaritenga me ngā whakaurunga i mua i te waitohu i te whakaaetanga hoko.
He rawe ngā kāinga tuwhera kia kite ai koe mēnā e tika ana tētahi whare me te takiwā noho mōu. Tīkina ake tā mātou rārangi kāinga tuwhera [PDF, 35 KB] me ngā mea hira me tirotiro koe mā tā mātou tūtohi whakataurite whare [PDF, 37 KB] kia mau ai i a koe ngā whare i toroa e koe.
Kei te pai haere atu tō kimi i ia taipitopito i ngā kāinga tuwhera ka toroa e koe, engari kua eke ki te wā me tahuri ki ngā tāngata ngaio:
- Te kaitirotiro hanga whare - Ka āta tirotiro ia i tētahi whare e tino kaingākau ana koe me te tuku pūrongo ōkawa mō tōna āhua. Ka kitea noatia e ia ngā hapa me ngā raru tautiaki pea, tae atu ki ngā mea kōhukihuki, me te tirotiro i ngā raru hanganga, ngā tohu rānei mēnā kei te turuturu te whare. Ko te here pea o tō pūtea taurewa, tō whakaaetanga hoko hoki/rānei kia whai i tētahi pūrongo a te kaitirotiro whare.
Kei boinz.org.nz(external link), tētahi rārangi o ngā kaitirotiro hanga whare o tō rohe.
Anei ētahi hono paetukutuku whaikiko hei āwhina i a koe me te mahi "Te rapu".
- Rārangi arowhai – Te Rapu [PDF, 155 KB]
- Te kimi i te whare tika [PDF, 149 KB]
- Rārangi Arowhai – Te haere ki tētahi kāinga tuwhera [PDF, 35 KB]
- Tūtohi whakataurite whare [PDF, 37 KB]
- Ngā momo kāinga
- Te kimi i tētahi kaitirotiro hanga whare(external link)
- Te Kooti Whenua Māori(external link) - Mō ngā ratonga me ngā āwhina ture e pā ana ki te whenua Māori
- Te Matapihi(external link) - Mō Ngā Kete Whare Papakāinga
Ngā utauta rapu whare:
- Hobsonville Point(external link)
- Whanaketanga o Northcote(external link)
- Whanaketanga o Roskill(external link)
- Te Whanaketanga o Oranga(external link)
- Whanaketanga o Māngere(external link)
- Whanaketanga o Lakeside(external link)
- OneRoof(external link)
- realestate.co.nz(external link)
- Trade Me(external link)
- homes.co.nz(external link)
- QV(external link)
- Tō kaunihera(external link)
Kua whakahoungia te whārangi: 15 Hōngongoi 2026